నీట్ ఫలితాల్లో గుడిపల్లి విద్యార్థిని ప్రతిభ

రాష్ట్రస్థాయిలో 262వ ర్యాంకు.. జాతీయస్థాయిలో 5919వ ర్యాంకు సాధించిన ఆర్. లావణ్య

గుడిపల్లి. మేజర్ న్యూస్  : నీట్  పరీక్షా ఫలితాల్లో గుడిపల్లి గ్రామానికి చెందిన ఆర్. లావణ్య ప్రతిభ చాటుకుంది. నీట్ పరీక్షలో జాతీయస్థాయిలో 5919వ ర్యాంకు సాధించడంతో పాటు రాష్ట్రస్థాయిలో 262వ ర్యాంకు సాధించి అందరి ప్రశంసలు అందుకుంది. మిట్టూరు చెందిన రామప్ప కుమార్తె అయిన లావణ్య చిన్నప్పటి నుంచి చదువుపై ఆసక్తి, పట్టుదలతో విద్యాభ్యాసం కొనసాగిస్తూ ఈ విజయాన్ని అందుకుంది. వైద్య విద్యను అభ్యసించాలనే లక్ష్యంతో కష్టపడి చదివి నీట్ ప్రవేశ పరీక్షలో మంచి ర్యాంకు సాధించడం విశేషం.లావణ్య సాధించిన ఈ విజయంతో కుటుంబ సభ్యులు, బంధువులు, గ్రామస్థులు హర్షం వ్యక్తం చేస్తున్నారు. గ్రామానికి మంచి పేరు తీసుకువచ్చిన లావణ్యను పలువురు అభినందిస్తున్నారు. ఆమె విజయాన్ని స్ఫూర్తిగా తీసుకొని గ్రామంలోని ఇతర విద్యార్థులు కూడా ఉన్నత లక్ష్యాలను నిర్దేశించుకొని చదువులో రాణించాలని ఆకాంక్షిస్తున్నారు.పట్టుదల, కృషి ఉంటే అనుకున్న లక్ష్యాలను సాధించవచ్చని లావణ్య విజయం నిరూపిస్తోంది.

రిపోర్టర్: లెనిన్ బాబు గుడిపల్లి మండలం ,సూర్య