నగరంలోని పార్క్ ల్లో చేస్తున్న అభివృద్ధి పనులను త్వరితగతిన పూర్తి చేయండి* జిల్లా కలెక్టర్ డా.ఏ.సిరి

కర్నూలు, అక్టోబర్ 03:- నగరంలోని పార్క్ ల్లో  చేస్తున్న అభివృద్ధి పనులను త్వరితగతిన పూర్తి చేయాలని జిల్లా కలెక్టర్ డా.ఏ.సిరి మున్సిపల్ కమిషనర్ ను ఆదేశించారు..

శనివారం స్థానిక డాక్టర్స్ కాలనీ లోని సంస్కృతి  పార్క్, కిషన్ నగర్ పార్క్, మాధవ్ నగర్ లోని సైన్స్ పార్క్ లలో మున్సిపల్ కార్పొరేషన్ ఆధ్వర్యంలో  చేసిన అభివృద్ధి పనులను కలెక్టర్ పరిశీలించారు..

ఈ సందర్భంగా కలెక్టర్  పార్కులను పరిశీలిస్తూ,  అన్ని పార్క్ లలో  బెంచ్ లు, లైటింగ్, వ్యాయామానికి సంబంధించిన పరికరాలు, పిల్లల ఆటలకు సంబంధించిన పరికరాలు  తదితర మౌలిక వసతులను  కల్పించాలని కలెక్టర్ అధికారులను ఆదేశించారు.. నగర ప్రజలకు ఆహ్లాదకరమైన, పరిశుభ్రమైన వాతావరణం కల్పించేలా పార్క్ ల్లో  సుందరీకరణ పనులను చేపట్టాలని కలెక్టర్ అధికారులను ఆదేశించారు. పచ్చదనం పెరిగే విధంగా  మొక్కలను  పెద్ద ఎత్తున నాటాలన్నారు..ప్రజలు, ముఖ్యంగా చిన్నారులు, వృద్ధులు, మహిళలు పార్కులను సద్వినియోగం చేసుకునేలా అవసరమైన సౌకర్యాలపై ప్రత్యేక దృష్టి సారించాలని కలెక్టర్ అధికారులను ఆదేశించారు.

కార్యక్రమంలో కర్నూలు మున్సిపల్ కమిషనర్ చల్లా ఓబులేసు, కల్లూరు తహసిల్దార్ ఆంజనేయులు తదితరులు పాల్గొన్నారు..