నగరి మున్సిపల్ ఎన్నికల కలకలం: హైకోర్టును ఆశ్రయించిన వైసీపీ అభ్యర్థి బాలకృష్ణన్

హైదరాబాద్/నగరి::నగరి మున్సిపల్ ఎన్నికల వేళ రాజకీయ వాతావరణం వేడెక్కింది. తన నామినేషన్‌ను అధికారులు అన్యాయంగా తిరస్కరించారంటూ వైఎస్సార్ కాంగ్రెస్ పార్టీ అభ్యర్థి బాలకృష్ణన్ హైకోర్టులో హౌస్ మోషన్ పిటిషన్ దాఖలు చేశారు.

తొలుత తన నామినేషన్‌ను పరిశీలించిన రిటర్నింగ్ అధికారి దానిని ఆమోదిస్తూ లిఖితపూర్వక డిక్లరేషన్ కూడా ఇచ్చారని పిటిషనర్ తరఫు న్యాయవాదులు కోర్టు దృష్టికి తీసుకువచ్చారు. నిబంధనల ప్రకారం ఆమోదించిన నామినేషన్‌ను నిబంధనలకు విరుద్ధంగా తిరస్కరించడం సరికాదని, వెంటనే తన నామినేషన్‌ను ఆమోదించేలా ఆదేశాలు జారీ చేయాలని పిటిషన్‌లో అభ్యర్థించారు. ఈ వ్యాజ్యంపై త్వరలోనే హైకోర్టులో విచారణ జరిగే అవకాశం ఉంది.