మున్సిపల్ కార్పొరేషన్ ఎన్నికల ఓట్ల లెక్కింపు నేపథ్యంలో ట్రాఫిక్ మళ్లింపులు

నెల్లూరు,  మేజర్ న్యూస్ :    నెల్లూరు నగరంలోని DKW కళాశాలలో తేదీ 03.11.2026న నిర్వహించనున్న మున్సిపల్ కార్పొరేషన్ ఎన్నికల ఓట్ల లెక్కింపు ప్రక్రియ నేపథ్యంలో ట్రాఫిక్‌కు అంతరాయం కలగకుండా, ప్రజలకు ఎలాంటి అసౌకర్యం కలగకుండా పోలీసు శాఖ ఆధ్వర్యంలో ప్రత్యేక ట్రాఫిక్ మళ్లింపులు, పార్కింగ్ ఏర్పాట్లు చేపట్టడం జరిగింది.

ట్రాఫిక్ మళ్లింపుల వివరాలు :    పొదలకూరు రోడ్డు వైపు వెళ్లే వాహనాలు KVR జంక్షన్ మీదుగా NSR బొమ్మ వద్ద కుడివైపునకు మళ్లి, గాంధీనగర్ మీదుగా పొదలకూరు రోడ్డుకు చేరుకోవాలి.   పొదలకూరు రోడ్డు వైపు నుంచి వచ్చే వాహనాలు పొదలకూరు రోడ్డు సర్కిల్ వద్ద కుడివైపునకు మళ్లి, కొండాయపాలెం గేట్ సెంటర్ మీదుగా KVR జంక్షన్ వైపు వెళ్లాలి.

పార్కింగ్ ఏర్పాట్లు :    పోలీసు అధికారులు, సిబ్బంది మరియు ఎన్నికల కౌంటింగ్ ఏజెంట్ల వాహనాల పార్కింగ్ కోసం పోలీస్ పరేడ్ గ్రౌండ్‌ను కేటాయించడం జరిగింది.   ఎన్నికల కౌంటింగ్ అధికారులు మరియు సిబ్బంది వాహనాల పార్కింగ్ కోసం DKW కళాశాల ప్రాంగణంలోని నిర్దేశిత పార్కింగ్ స్థలాన్ని కేటాయించడం జరిగింది.   ట్రాఫిక్ రద్దీని నివారించేందుకు వాహనదారులు నిర్దేశించిన మార్గాలను మాత్రమే వినియోగించాలి.   ట్రాఫిక్ మళ్లింపులు అమలులో ఉన్న సమయంలో పోలీసు సిబ్బంది సూచనలు, ఆదేశాలను తప్పనిసరిగా పాటించాలి.   అత్యవసర సేవలకు ఎలాంటి అంతరాయం కలగకుండా తగిన చర్యలు చేపట్టడం జరుగుతుంది.  నగర ప్రజలు, వాహనదారులు ట్రాఫిక్ మళ్లింపులను గమనించి పోలీసు శాఖకు సహకరించి ఎన్నికల ఓట్ల లెక్కింపు ప్రక్రియ ప్రశాంతంగా, సజావుగా జరిగేందుకు తమ వంతు సహకారం అందించవలసిందిగా కోరడమైనది.