మాదక ద్రవ్య రహిత భారతదేశం కోసం బధిర విద్యార్థుల ప్రతిజ్ఞ.

అద్దంకిలోని చైతన్య బదిరుల ఆశ్రమ పాఠశాలలో బ్రహ్మకుమారిస్ ఆధ్వర్యంలో మాదకద్రవ్య రహిత భారతదేశం కోసం బదిర విద్యార్థినీ విద్యార్థుల చేత ప్రతిజ్ఞ చేయించారు. బదిర విద్యార్థినీ విద్యార్థులకు మాదకద్రవ్యాల వినియోగం వల్ల జరిగే దుష్పరిణామాలను పాఠశాల ప్రిన్సిపల్ సురేంద్రబాబు వివరించి చెప్పారు. ముఖ్య అతిథిగా విచ్చేసిన బ్రహ్మకుమారిస్ కు చెందిన రామలక్ష్మి మాట్లాడుతూ.. నేటి విద్యార్థిని విద్యార్థుల మీద మాదకద్రవ్యాల ప్రభావం పడకుండా తల్లిదండ్రులు జాగ్రత్త వహించాలని, ప్రతి ఒక్కరు ఈ విషయంలో నిబద్ధతగా ఉండాలని కోరారు. నాగరాజు కుమారి మాట్లాడుతూ ప్రతి ఒక్కరం మాదకద్రవ్యాల నిరోధానికై అంకితభావంతో కృషి చేయాలని, భారత ప్రభుత్వం కోరుకున్నట్టు 'నిషా ముక్త భారత్' గా భారతదేశం ఎదగాలని తెలియజేశారు. ఈ కార్యక్రమంలో పాఠశాల నిర్వాహకురాలు పూనూరి ఆరోగ్యం, సిబ్బంది రమేష్, ధైర్యం, దాసు తదితరులు పాల్గొన్నారు.