కోటంరెడ్డి సోదరులతో భేటీ అయిన మంత్రి ఆనం
నెల్లూరు, కార్పొరేషన్, మేజర్ న్యూస్ : నెల్లూరు రూరల్ ఎమ్మెల్యే కోటంరెడ్డి శ్రీధర్ రెడ్డి, టిడిపి రాష్ట్ర అధికార ప్రతినిధి కోటంరెడ్డి గిరిధర్ రెడ్డితో రాష్ట్ర దేవాదాయ శాఖ మంత్రి ఆనం రామనారాయణ రెడ్డి మంగళవారం ప్రత్యేకంగా సమావేశం అయ్యారు. మాగుంట లేఔట్ లోని నెల్లూరు రూరల్ ఎమ్మెల్యే కోటంరెడ్డి శ్రీధర్ రెడ్డి నివాసానికి మంత్రి ఆనం రామనారాయణ రెడ్డి చేరుకొని వారితో పలు రాజకీయ అంశాలపై చర్చించినట్లు సమాచారం. జిల్లాలో పంచాయతీ ఎన్నికలు మూడు విడతలు జరగవలసి ఉండగా, నెల్లూరు నగరపాలక సంస్థలో డిప్యూటీ మేయర్ ఎంపిక, జిల్లా ప్రజా పరిషత్ లో జడ్పీ చైర్మన్ వైస్ చైర్మన్ ఎంపిక జరగవలసి ఉంది. దీంతో మంత్రి ఆనం రామనారాయణరెడ్డి పలు రాజకీయ అంశాలపై వారితో చర్చించినట్లు సమాచారం. ముఖ్యంగా నగరపాలక సంస్థలో మేయర్ నగర నియోజకవర్గానికి చెందిన వారికి కేటాయించడంతో, డిప్యూటీ మేయర్ ఎవరన్నది ఆసక్తిగా మారింది. డిప్యూటీ మేయర్ పదవి నెల్లూరు రూరల్ కు కేటాయిస్తారని ప్రచారం ఉండడంతో, మంత్రి ఆనం రామనారాయణ రెడ్డి ఏ అంశంపై చర్చించారనేది తెలియవలసి ఉంది.