telangana
ఎమ్మెల్యే మదన్ మోహన్ ఆధ్వర్యంలో చేయూత పింఛన్ మంజూరు పత్రాల పంపిణీ
సూర్య రాజంపేట : ప్రజా సంక్షేమమే లక్ష్యంగా తెలంగాణ ప్రభుత్వం అమలు చేస్తున్న చేయూత పింఛన్ పథకంలో భాగంగా అర్హులైన లబ్ధిదారులకు పింఛన్ మంజూరు పత్రాలను పంపిణీ చేశారు. ఈ కార్యక్రమం ఎల్లారెడ్డి ఎమ్మెల్యే మదన్ మోహన్ ఆధ్వర్యంలో సదాశివనగర్లోని అశోక్ గార్డెన్లో నిర్వహించారు.ఈ సందర్భంగా అర్హులైన లబ్ధిదారులకు ఎమ్మెల్యే మదన్ మోహన్ పింఛన్ మంజూరు పత్రాలను అందజేశారు. ప్రభుత్వం పేదలు, వృద్ధులు, వితంతువులు, దివ్యాంగులు, ఒంటరి మహిళల సంక్షేమానికి ప్రాధాన్యతనిస్తూ చేయూత పింఛన్లను అందిస్తోందని నాయకులు పేర్కొన్నారు. అర్హులైన ప్రతి ఒక్కరికీ ప్రభుత్వ సంక్షేమ పథకాలు అందించడమే ప్రభుత్వ లక్ష్యమని తెలిపారు.ఈ కార్యక్రమంలో రాజంపేట మండల వర్కింగ్ ప్రెసిడెంట్ ఎర్ర ప్రణీత్ రెడ్డి, మండల యూత్ అధ్యక్షుడు సల్మాన్, జనరల్ సెక్రటరీ శంకరి బాలరాజు, గ్రామ అధ్యక్షులు, యూత్ అధ్యక్షులు, సర్పంచులు, ఉప సర్పంచులు, వార్డు సభ్యులు, సీనియర్ నాయకులు, కాంగ్రెస్ పార్టీ కార్యకర్తలు, పింఛన్ లబ్ధిదారులు తదితరులు పాల్గొన్నారు.