కూటమి అభ్యర్థులనే గెలిపిస్తే -- గ్రామ అభివృద్ధికి కృషి -- జనసేన నేత గడ్డమణుగు రవికుమార్
జీలుగుమిల్లి, మేజర్ న్యూస్:అధికారంలో ఉన్న తెలుగుదేశం, జనసేన, భాజపా ఎంపిటిసి, జడ్పిటిసి అభ్యర్థులను గెలిపిస్తే అభివృద్ధి మరింత వేగంగా జరుగుతాయని జనసేన జిల్లా కార్యదర్శి గడ్డమణుగు రవికుమార్ అన్నారు. ఆదివారం మండలంలోని తాటాకులగూడెం బెథెస్థా ప్రార్థన మందిరంలో క్రైస్తవులతో రవికుమార్ ఆత్మీయ సమావేశం నిర్వహించారు. ఈ సందర్భంగా రవికుమార్ మాట్లాడుతూ రానున్న స్థానిక సంస్థల ఎన్నికల్లో జడ్పిటిసి అభ్యర్థి కుంజా నాగమణి, తాటియాకుల గూడెం ఎంపీటీసీ అభ్యర్థి జాస్తి హేమలను భారీ మెజార్టీతో గెలిపించాలని కోరారు. గ్రామంలోని అన్ని రహదారులు సిసి రహదారులుగా మార్చి స్వచ్ఛ గ్రామంగా తీర్చిదిద్దుతామని అన్నారు.
మొబైల్ వాటర్ ట్యాంక్ అందిస్తాం:
రానున్న స్థానిక సంస్థల ఎన్నికలలో ఎంపీటీసీ అభ్యర్థి హేమకు భారీ విజయం అందిస్తే మొబైల్ వాటర్ ట్యాంక్ అందిస్తామని ఎంపీటీసీ అభ్యర్థి హేమ తెలిపారు. ఈ కార్యక్రమంలో చర్చి వ్యవస్థాపకులు నక్షత్రం, కూటమి నాయకులు పసుపులేటి రాము, కోలా మధు, రాయి సుబ్బారావు, జాస్తి సత్యనారాయణ, మాజీ సర్పంచ్ రాంబాబు, సునీల్ , కూరం వెంకటేశ్వరరావు తదితరులు పాల్గొన్నారు.
