ఖండవల్లిలో కూటమి జడ్పీటీసీ అభ్యర్థి ఇంటింటా ఎన్నికల ప్రచారం

పెరవలి మేజర్ న్యూస్ :తూర్పుగోదావరి జిల్లా పెరవలి మండలం ఖండవల్లి గ్రామంలో అక్టోబర్ 25వ తేదీ ఆదివారం తెలుగుదేశం, జనసేన, బీజేపీ కూటమి పార్టీలు బలపరిచిన పెరవలి జడ్పీటీసీ అభ్యర్థి అతికాల వెంకట రామకృష్ణమ్మ (శ్రీను) ఎన్నికల ప్రచారం నిర్వహించారు.స్థానిక సంస్థల ఎన్నికల నేపథ్యంలో గ్రామంలో ఇంటింటికీ వెళ్లి ఓటర్లను కలుసుకుని తనకు మద్దతు ఇవ్వాలని అభ్యర్థించారు.రానున్న జడ్పీటీసీ ఎన్నికల్లో సైకిల్ గుర్తుకు ఓటు వేసి అత్యధిక మెజార్టీతో గెలిపించాలని ప్రజలకు విజ్ఞప్తి చేశారు.

ఈ సందర్భంగా కూటమి ప్రభుత్వం అమలు చేస్తున్న సంక్షేమ పథకాలు, చేపడుతున్న అభివృద్ధి కార్యక్రమాలను ఓటర్లకు వివరించారు. గ్రామాల అభివృద్ధికి, ప్రజా సమస్యల పరిష్కారానికి కూటమి అభ్యర్థులను గెలిపించాలని కోరారు.ఈ ఎన్నికల ప్రచార కార్యక్రమంలో ఉమ్మడి పశ్చిమ గోదావరి జిల్లా మాజీ డీసీసీబీ చైర్మన్, ఖండవల్లి ప్రాథమిక వ్యవసాయ పరపతి సంఘం అధ్యక్షులు భూపతిరాజు రవివర్మ పాల్గొన్నారు.
ఆయనతో పాటు తెలుగుదేశం, జనసేన, బీజేపీ కూటమి పార్టీల నాయకులు, కార్యకర్తలు ప్రచారంలో పాల్గొన్నారు.గ్రామంలో ఇంటింటా సాగిన ఈ ఎన్నికల ప్రచారంతో ఖండవల్లిలో రాజకీయ సందడి నెలకొంది. స్థానిక సంస్థల ఎన్నికల నేపథ్యంలో కూటమి పార్టీల నాయకులు, కార్యకర్తలు పాల్గొన్నారు.