కౌంటింగ్ ఏజెంట్లు నిర్దేశించిన సమయానికి కౌంటింగ్ కేంద్రాన్ని చేరుకోవాలి ---- కమిషనర్

నెల్లూరు, కార్పొరేషన్, మేజర్ న్యూస్  :   నెల్లూరు నగరపాలక సంస్థకు జరిగిన సాధారణ ఎన్నికల ప్రక్రియలో భాగంగా ఓటింగ్ నిర్వహణను ఆదివారం విజయవంతంగా పూర్తి చేసి 57.72 శాతం ఓట్లు నమోదు చేశామని, మంగళవారం నాడు స్థానిక డీకే మహిళా కళాశాలలో కౌంటింగ్ ప్రక్రియను కూడా విజయవంతంగా పూర్తి చేస్తామని అదనపు ఎన్నికల అధికారి / కమిషనర్ వై.ఓ నందన్ సోమవారం ఒక ప్రకటన ద్వారా తెలియజేశారు.  ఓటు హక్కును సద్వినియోగం చేసుకునేందుకు ఎన్నికల ప్రక్రియలో పాల్గొన్న ఓటర్లందరికి కమిషనర్ ప్రత్యేక ధన్యవాదాలు తెలియజేశారు.
జిల్లా ఎన్నికల అధికారి ఆదేశాల మేరకు, జిల్లా పోలీసు విభాగం ఎస్పీ సహకారంతో కౌంటింగ్ ప్రక్రియను ఉదయం  నుంచి రాత్రి  వరకు పూర్తయ్యేలా నిర్వహించేందుకు ప్రణాళిక బద్ధంగా చర్యలు తీసుకున్నామని కమిషనర్ పేర్కొన్నారు.   మేయర్, కార్పొరేటర్ అభ్యర్థులు తమకు సంబంధించిన కౌంటింగ్ ఏజెంట్ల నియామకం కోసం సంబంధిత రిటర్నింగ్ ఆఫీసర్ వద్ద అనుమతులు తీసుకొని నిర్దేశించిన సమయానికి కౌంటింగ్ కేంద్రానికి చేరుకోవాలని కమిషనర్ సూచించారు.