మండలాభివృద్ధికి నిధులు కేటాయించాలని ఎంపికి వినతి

మాజీ జడ్.పి.టి.సి, విజయ డైరీ చైర్మన్ , కాంగ్రెస్ నేతలతో కలిసి ఢిల్లీలో నాగర్ కర్నూల్ ఎంపి డాక్టర్ మల్లు రవిని కలిసి విన్నపించిన మండల కాంగ్రెస్ అధ్యక్షులు భట్టు కిషన్ రెడ్డి*

మాడ్గుల (రంగారెడ్డి)

మాడ్గుల మండలంలోని గ్రామాలు, తాండాలలో అభివృద్ధి పనులకు గాను ఎంపి లాడ్స్ నుండి నిధులు కేటాయించాలని నాగర్ కర్నూల్ పార్లమెంట్ సభ్యులు డాక్టర్ మల్లు రవికి విన్నపించినట్లు మాడ్గుల మండల కాంగ్రెస్ అధ్యక్షులు, ఏఎమ్ సి మాజీ చైర్మన్ భట్టు కిషన్ రెడ్డి తెలిపారు.  ఏఐసిసి పిలుపుమేరకు ఢిల్లీ రామ్ లీలా మైదానంలో చేపట్టిన ఓటు బచావో - దేశ్ బచావో కార్యక్రమంలో పాల్గొన్న అనంతరం మాజీ జడ్.పి.టి.సి సభ్యులు గౌరవరం ప్రభాకర్ రెడ్డి, విజయడైరీ చైర్మన్ బొజ్జ సాయిరెడ్డి, కాంగ్రెస్ సీనియర్ నేత సూధిని కొండల్ రెడ్డి, అన్నెబోయిన్ పల్లి సర్పంచ్ ఆమనగంటి భాస్కర్ రెడ్డి, కాంగ్రెస్ శ్రేణులతో కలిసి ఎంపి మల్లు రవికి మండలంలోని వివిధ గ్రామాలు, తాండాలలో నెలకొన్న సమస్యల పరిష్కారానికి రాష్ట్ర ప్రభుత్వం ద్వారా ఎమ్మెల్యే కసిరెడ్డి నారాయణరెడ్డి చేస్తున్న కృషిని వివరించి అధనంగా ఎంపి లాడ్స్ నిధులు కేటాయించేలా  ప్రత్యేక చొరవచూపాలని కోరగా ఎంపి సానుకూలంగా స్పందించినట్లు బికెఆర్ తెలిపారు.

-------

ఆర్.నర్సింహ్మ, మేజర్ న్యూస్ : మాడ్గుల