కావలి పురపాలక సంఘంలో వైభవంగా 'ఆయుధ పూజ'

​కావలిమేజర్ న్యూస్ :   కావలి పురపాలక సంఘం కార్యాలయంలో 'స్వచ్ఛతా హీ సేవా' కార్యక్రమంలో భాగంగా విజయదశమి (దసరా) పండుగను పురస్కరించుకొని పారిశుద్ధ్య విభాగం ఆధ్వర్యంలో ఆయుధ పూజ కార్యక్రమాన్ని అత్యంత వైభవంగా నిర్వహించారు. గౌరవ పురపాలక సంఘ కమిషనర్  ఎస్.డి. అబ్దుల్ రషీద్  పర్యవేక్షణలో ఈ కార్యక్రమం కొనసాగింది. ​ఈ సందర్భంగా పట్టణ పరిశుభ్రతకు నిరంతరం ఉపయోగించే పారిశుద్ధ్య వాహనాలు, పనిముట్లకు పూలమాలలు వేసి, శాస్త్రోక్తంగా ప్రత్యేక పూజలు నిర్వహించారు. 

​పట్టణ పరిశుభ్రతే ధ్యేయం :  ​కమిషనర్ ఎస్.డి. అబ్దుల్ రషీద్ మాట్లాడుతూ, దసరా పండుగ వేళ పారిశుద్ధ్య కార్మికులు మరియు సిబ్బంది సేవలను అభినందించారు. స్వచ్ఛతా హీ సేవా పిలుపులో భాగంగా పట్టణాన్ని పరిశుభ్రంగా ఉంచడంలో పారిశుద్ధ్య పరికరాలు ఎంతో కీలకమని, వాటికి పూజలు నిర్వహించడం శుభపరిణామమని పేర్కొన్నారు. ప్రజలందరూ చెత్తను రోడ్డుపై వేయకుండా, మున్సిపాలిటీ సిబ్బందికి సహకరించి కావలిని స్వచ్ఛ కావలిగా మార్చాలని కోరారు.  ​ఈ ఆయుధ పూజ కార్యక్రమంలో మున్సిపల్ కమిషనర్ ఎస్.డి. అబ్దుల్ రషీద్‌తో పాటు శానిటరీ ఇన్స్పెక్టర్ ఎమ్.డి. బషీర్, శానిటరీ ఇన్స్పెక్టర్ స్వర్ణ, వివిధ వార్డుల శానిటేషన్ కార్యదర్శులు, శానిటరీ మేస్త్రీలు మరియు పారిశుద్ధ్య సిబ్బంది పెద్ద సంఖ్యలో పాల్గొన్నారు.