పదో తరగతిలో 555 మార్కులు-గోపా ప్రతిభా పురస్కారం.- అంబాల మణికంఠ సాయికి ఘన సన్మానం.

సూర్య,టేకులపల్లి,పదో తరగతిలో 555 మార్కులు సాధించి ప్రతిభ కనబరిచిన టేకులపల్లి మండలం కుంటల్ల గ్రామానికి చెందిన అంబాల మణికంఠ సాయి గోపా ప్రతిభా పురస్కారాన్ని అందుకున్నట్లు సోమవారం తెలిపారు. గౌడ్ అఫీషియల్స్ అండ్ ప్రొఫెషనల్స్ అసోసియేషన్ (గోపా) ఆధ్వర్యంలో ఆదివారం ఖమ్మంలోని లయన్స్ క్లబ్ భవనంలో నిర్వహించిన కార్యక్రమంలో మణికంఠ సాయిని శాలువాతో ఘనంగా సత్కరించినట్లు తెలిపారు.

కుంటల్ల గ్రామానికి చెందిన అంబాల మాధురి, మోహన్ బాబు దంపతుల కుమారుడైన, మణికంఠ సాయి పదో తరగతిలో 555 మార్కులు సాధించి,తన ప్రతిభను చాటుకున్నాడు. ఈ సందర్భంగా ఖమ్మం జిల్లా గోపా ప్రతినిధులు అతడికి శాలువా కప్పి, జ్ఞాపిక, ప్రశంసాపత్రం అందజేసి అభినందించారు.

గౌడ విద్యార్థులకు ఆదర్శంగా నిలవాలని, గోపా ప్రతినిధులుపదో తరగతిలో 555 మార్కులు సాధించడం అభినందనీయమన్నారు. మణికంఠ సాయి భవిష్యత్తులో మరింత ఉన్నత స్థాయికి ఎదగాలని, ఇతర గౌడ విద్యార్థులకు ఆదర్శంగా నిలవాలని ఆకాంక్షించారు. విద్యార్థులను ప్రోత్సహించడం ద్వారా సమాజంలో విద్యాభివృద్ధికి దోహదపడవచ్చని పేర్కొన్నారు.

తల్లిదండ్రులు, గురువులకే అంకితం

పురస్కారం అందుకున్న మణికంఠ సాయి మాట్లాడుతూ,ఈ అవార్డు తన ఒక్కడిదే కాదని, తనను కష్టపడి చదివిస్తున్న తల్లిదండ్రులు, విద్యాబుద్ధులు నేర్పిన గురువులకు కూడా చెందుతుందని తెలిపారు. గోపా అందించిన ప్రోత్సాహాన్ని ఎప్పటికీ మరచిపోనని పేర్కొన్నాడు. సర్దార్ సర్వాయి పాపన్న స్ఫూర్తితో కష్టపడి చదివి గౌడ సమాజానికి మంచి పేరు తీసుకొస్తానని తెలిపారు. గోపా ప్రతినిధులు, అధికారులు, విద్యార్థి తల్లిదండ్రులు, గౌడ సంఘం నాయకులు, కులస్తులు  మణికంఠ సాయికి అభినందనలు తెలిపారు.

సూర్య రిపోర్టర్ దస్రు టేకులపల్లి