ఏపీ హెచ్‌ఆర్‌సీ ఛైర్మన్‌ను కలిసిన పల్లెటి వెంకటేష్ నాయుడు..
పొదలకూరు, మేజర్ న్యూస్ : నెల్లూరు జిల్లా సైదాపురం మండలం కమ్మవారిపల్లె గ్రామానికి చెందిన పల్లెటి వెంకటేష్ నాయుడు, ఆంధ్రప్రదేశ్ రాష్ట్ర మానవ హక్కుల కమిషన్ ఛైర్మన్‌గా నియమితులైన విశ్రాంత న్యాయమూర్తి జస్టిస్ మల్లావోలు సత్యనారాయణమూర్తిని విజయవాడలోని ఆయన స్వగృహంలో సోమవారం మర్యాదపూర్వకంగా కలిశారు. ఈ సందర్భంగా హైకోర్టు ప్రధాన న్యాయమూర్తి హోదాతో సమానమైన బాధ్యతలు కలిగిన రాష్ట్ర మానవ హక్కుల కమిషన్ ఛైర్మన్‌గా బాధ్యతలు స్వీకరించబోతున్న జస్టిస్ సత్యనారాయణమూర్తికి పల్లెటి వెంకటేష్ నాయుడు హృదయపూర్వక శుభాకాంక్షలు తెలియజేశారు. నూతన బాధ్యతల్లో వారు మరిన్ని ఉన్నత శిఖరాలను అధిరోహించాలని, ప్రజలకు, బాధితులకు న్యాయం అందించడంలో విశేష సేవలు అందించాలని ఆకాంక్షించారు.
మానవ హక్కుల పరిరక్షణలో కమిషన్ మరింత సమర్థవంతంగా పనిచేస్తూ బాధితులకు సత్వర న్యాయం అందించాలని ఈ సందర్భంగా ఆయన ఆకాంక్షించారు. న్యాయవ్యవస్థలో ఉన్న అపారమైన అనుభవంతో జస్టిస్ సత్యనారాయణమూర్తి ప్రజలకు విశేష సేవలు అందిస్తారనే విశ్వాసాన్ని వ్యక్తం చేశారు. అలాగే తమ కుటుంబ సన్నిహితులైన జస్టిస్ సత్యనారాయణమూర్తిని కలవడం తనకు ఎంతో ఆనందంగా ఉందని పల్లెటి వెంకటేష్ నాయుడు పేర్కొన్నారు.
