16వ వార్డులో టీడీపీ, జనసేన అభ్యర్థులను గెలిపించాలి

ఉయ్యూరు, మేజర్ న్యూస్: ఉయ్యూరు పట్టణ అభివృద్ధికి ప్రజలు తమ ఓటును బలమైన పునాదిగా మార్చాలని మాజీ ఎమ్మెల్సీ వైవీబీ రాజేంద్రప్రసాద్ పిలుపునిచ్చారు. మునిసిపల్ చైర్మన్ అభ్యర్థి చేదుర్తిపాటి ప్రవీణ్ కుమార్, 16వ వార్డు జనసేన కౌన్సిలర్ అభ్యర్థి ఇస్లావత్ చింతయ్య విజయాన్ని కాంక్షిస్తూ మంగళవారం ఆయన వార్డులో ఇంటింటి ప్రచారం నిర్వహించారు. ఈ సందర్భంగా మాట్లాడుతూ, వార్డు అభివృద్ధికి, ప్రజా సమస్యల పరిష్కారానికి కృషి చేసే అభ్యర్థులను గెలిపించాలని, టీడీపీ, జనసేన అభ్యర్థులకు మద్దతుగా నిలిచి భారీ మెజారిటీతో గెలిపించాలని కోరారు. ఈ కార్యక్రమంలో మాజీ మునిసిపల్ చైర్మన్ వల్లభనేని నాని, వంగవీటి శ్రీనివాస్ ప్రసాద్, రత్నం శివప్రసాద్ బుజ్జి, జంపన శ్రీనివాస్, సయ్యద్ మతుల్లా, ఫణికుమార్, రాష్ట్ర గౌడ కార్పొరేషన్ డైరెక్టర్ సొంటి శివరాం ప్రసాద్, మత్స్యకార కార్పొరేషన్ డైరెక్టర్ పీత గోపీచంద్, సగర కార్పొరేషన్ డైరెక్టర్ వీరస్వామి, ఇతర నాయకులు, కార్యకర్తలు, అభ్యర్థుల కుటుంబ సభ్యులు, స్థానిక ప్రజలు పాల్గొన్నారు.

స్టాఫ్ రిపోర్టర్: ✍️ ప్రేమ్ రాజ్, పెనమలూరు, కృష్ణాజిల్లా.