మెట్లకుంట దుర్గామాత ఉత్సవాల్లో పోలీసుల సేవలకు సలాం.. ఏఎస్ఐ జైపాల్ రెడ్డికి ఘన సన్మానం

హిందూ వాహిని, శివాజీ సేన యువకుల ఆధ్వర్యంలో పోలీసులకు సత్కారం

బొంరాస్‌పేట్, మేజర్ న్యూస్: వికారాబాద్ జిల్లా బొంరాస్‌పేట్ మండలం మెట్లకుంట గ్రామంలో దుర్గామాత నవరాత్రి ఉత్సవాలు, అమ్మవారి ఊరేగింపు సందర్భంగా పటిష్టమైన భద్రతా ఏర్పాట్లు చేపట్టి, ఉత్సవాలు ప్రశాంతంగా జరిగేలా విధులు నిర్వహించిన పోలీసులకు హిందూ వాహిని, శివాజీ సేన యువకులు ఘనంగా సన్మానం చేశారు. ఈ సందర్భంగా భద్రతా ఏర్పాట్లను పర్యవేక్షించిన ఏఎస్ఐ జైపాల్ రెడ్డిని ప్రత్యేకంగా సత్కరించి, ఆయన సేవలను అభినందించారు.గ్రామంలో దుర్గామాత నవరాత్రి ఉత్సవాలు, అమ్మవారి ఊరేగింపు, ప్రత్యేక పూజా కార్యక్రమాలకు భక్తులు పెద్ద సంఖ్యలో హాజరయ్యారు. ఈ నేపథ్యంలో ఏఎస్ఐ జైపాల్ రెడ్డి ఆధ్వర్యంలో పోలీసులు ముందస్తు భద్రతా చర్యలు చేపట్టి, భక్తులకు ఎలాంటి ఇబ్బందులు కలగకుండా అప్రమత్తంగా విధులు నిర్వహించారు. ఎలాంటి అవాంఛనీయ సంఘటనలు చోటుచేసుకోకుండా నిరంతరం పర్యవేక్షిస్తూ ఉత్సవాలు ప్రశాంత వాతావరణంలో ముగిసేలా చర్యలు తీసుకున్నారు.పోలీసుల సమర్థవంతమైన విధి నిర్వహణతో దుర్గామాత ఉత్సవాలు ప్రశాంతంగా ముగియడంపై హిందూ వాహిని, శివాజీ సేన యువకులు హర్షం వ్యక్తం చేశారు. ప్రజల భద్రతకు ప్రాధాన్యతనిస్తూ పండుగలు, ఆధ్యాత్మిక కార్యక్రమాల సమయంలో పోలీసులు అందిస్తున్న సేవలు అభినందనీయమని పేర్కొన్నారు. ఈ సందర్భంగా పోలీసులకు శాలువాలు కప్పి ఘనంగా సన్మానించి, కృతజ్ఞతలు తెలిపారు.ప్రజలు, పోలీసుల మధ్య పరస్పర సహకారం, సమన్వయం ఉన్నప్పుడే గ్రామాల్లో శాంతిభద్రతలు మరింత మెరుగుపడతాయని యువకులు పేర్కొన్నారు. భవిష్యత్తులోనూ పండుగలు, ఉత్సవాలు ప్రశాంతంగా జరిగేందుకు ప్రజలందరూ పోలీసులకు సహకరించాలని కోరారు.ఈ కార్యక్రమంలో కురువ శ్రీశైలం, పి. బాల్రాజ్, కావాలి వెంకటయ్య, అశోక్, గోపాల్, ఇ. మల్లేష్, సిహెచ్. మల్లేష్, పి. మల్లయ్య, పి. మహేష్, శివ, యాదితో పాటు హిందూ వాహిని, శివాజీ సేన యువకులు, తదితరులు పాల్గొన్నారు.

రిపోర్టర్: శ్రీశైలం, బొంరాస్ పేట్, వికారాబాద్ జిల్లా.