అన్నపూర్ణా దేవి అమ్మవారికి కుంకుమ తొ అభిషేకం

ఆత్మకూరు, మేజర్ న్యూస్ :    ఆత్మకూరు పట్టణంలోని శ్రీ అన్నపూర్ణా సమేత శ్రీ కాశీవిశ్వేశ్వరాలయం (శివాలయం )లో శరన్నవరాత్రి వేడుకలను ఆలయ ప్రధాన అర్చకులు బ్రహ్మశ్రీ మేళ్లచెరువు శివకుమార్ శర్మ (శివయ్యస్వామి )ఆధ్వర్యంలో అత్యంత ఘనంగా నిర్వహిస్తున్నారు.పరాభవన సంవత్సరం దేవి శరన్నవరాత్రుల్లో భాగంగా అన్నపూర్ణ సమేత విశ్వేశ్వర స్వామి దేవాలయంలో అమ్మవారికి దుర్గాష్టమి రోజున శ్రీ మహా దుర్గ అలంకారంతో విశేషమైన ద్రవ్యాలతో అభిషేకము నిర్వహించారు. ప్రత్యేకించి అమ్మవారికి 350 కిలోల కుంకుమ తోటి మూలవిరాట్ కి విశేషంగా కుంకుమతో అభిషేకం ఎంతోమంది మహిళల మధ్య సామూహికంగా అత్యంత వైభవంగా బ్రహ్మశ్రీ మేళ్లచెరువు శివకుమార్ శర్మ గారి ఆధ్వర్యంలో వైభవంగా జరిగింది. ఈ కార్యక్రమంలో అర్చకులు మేళ్లచెరువు సంతోష్ స్వామి పాల్గొన్నారు. మహిళలు అధిక సంఖ్యలో పాల్గొని అమ్మవారిని సందర్శించుకొని తీర్థ ప్రసాదాలు స్వీకరించారు.