డబ్బాకుపల్లి–పెంటేలవారిగూడెం ఎంపీటీసీ తెలుగుదేశం పార్టీ అభ్యర్థిగా పెంటేల స్వప్న ఎమ్మెల్యే తాతయ్య సహకారంతో అభ్యర్థిత్వం ప్రకటన

 డబ్బాకుపల్లి–పెంటేలవారిగూడెం ఎంపీటీసీ స్థానానికి కూటమి అభ్యర్థిగా శ్రీమతి పెంటేల స్వప్నను ప్రకటించారు. జగ్గయ్యపేట నియోజకవర్గ ఎమ్మెల్యే శ్రీరామ్ రాజగోపాల్ (తాతయ్య) సహకారంతో వత్సవాయి మండల తెలుగుదేశం పార్టీ అధ్యక్షులు వడ్లమూడి రాంబాబు కూటమి తరఫున ఆమె అభ్యర్థిత్వాన్ని ప్రకటించారు. రానున్న స్థానిక ఎన్నికల నేపథ్యంలో తెలుగుదేశం పార్టీ అభ్యర్థిగా పెంటేల స్వప్న పేరును ప్రకటించడంతో పార్టీ శ్రేణుల్లో ఆసక్తి నెలకొంది. గ్రామాల్లో ప్రజలకు అందుబాటులో ఉంటూ వారి సమస్యల పరిష్కారానికి కృషి చేయడం, అభివృద్ధి కార్యక్రమాలకు ప్రాధాన్యత ఇవ్వడం వంటి అంశాలతో ఎన్నికల్లో ముందుకు సాగేందుకు పార్టీ నాయకులు సిద్ధమవుతున్నారు. ఈ కార్యక్రమంలో డబ్బాకుపల్లి పీఏసీఎస్ అధ్యక్షులు పెంటేల శ్రీనివాసరావు, పెంటేలవారిగూడెం నాయకులు పెంటేల శ్రీనివాసరావు, వత్సవాయి మండల తెలుగుదేశం పార్టీ అధ్యక్షులు వడ్లమూడి రాంబాబు తదితరులు పాల్గొన్నారు. కూటమి అభ్యర్థి విజయానికి పార్టీ నాయకులు, కార్యకర్తలు సమన్వయంతో పనిచేయాలని ఈ సందర్భంగా నాయకులు పేర్కొన్నారు.