ఎంపీటీసీ ఎన్నికలకు అధికారిక నోటిఫికేషన్ విడుదల

గరుగుబిల్లి, సూర్య : ఎంపీటీసీ ఎన్నికలకు సంబం ధించి మండల ఎన్నికల అధికారి ఎం వాణిశైలజ సోమవారం అధికారికంగా నోటిఫికేషన్ విడుదల చేశారు.ఈ మేరకు మండల పరిషత్ అభివృద్ధి కార్యాలయం ఆవరణలోని నోటీస్ బోర్డ్ లో ఎంపీటీసీ ఎన్నికలకు సంబంధించి విడుదల చేసిన నోటిఫికేషన్ ను అతికించారు.ఈసందర్భంగా ఎన్నికల అధికారి ఎం వాణిశైలజ మాట్లాడుతూ ఎంపీటీసీ ఎన్నికల్లో భాగముగా ఎంపీటీసీలుగా పోటీ చేసే అభ్యర్థుల నుండి బుధవారం నుంచి 23వ తేదీ వరకు మండల పరిషత్ అభివృద్ధి కార్యాలయంలో ఉదయం తొమ్మిది గంటల నుండి సాయంకాలం ఐదు గంటల వరకు నామినేషన్లను స్వీకరించడం జరుగుతుందన్నారు. 24వ తేదీన ఎంపీటీసీ అభ్యర్థులకు సంబంధించి వచ్చిన నామినేషన్ల పరిశీలన కార్యక్రమం ఉంటుందన్నారు. 25వ తేదీన నామినేషన్ ఫారాలలో ఏమైనా తప్పిదాలు జరిగి తిరస్కరిం చిన నామినేషన్లపై అప్పీలు చేసుకోవ చ్చన్నారు.అదే 26వ తేదీన ఎన్నికల అధికారి తిరస్కరణ నామినేషన్ల పై తుది నిర్ణయం ఉంటుందన్నారు.27వ తేదీన పోటీ బరిలో ఉండ దలుచుకో లేని అభ్యర్థులు తమ నామినేషన్లను ఉప సంహరించుకోవచ్చన్నారు.అదే విధంగా 27వ తేదీ సాయంకాలం ఎంపీటీసీ జడ్పిటిసి పదవులకు పోటీ చేయు అభ్యర్థుల పేర్లు నోటీసు బోర్డు లో ప్రకటన చేయడం జరుగుతుందని తెలిపారు.వచ్చే నెల మూడవ తేదీన ఎంపీటీసీ మరియు జడ్పిటిసి ఎన్నికల కు పోలింగ్ జరుగుతుందని తెలిపారు. ఐదవ తేదీన ఎంపీటీసీ మరియు జడ్పిటిసి ఓట్ల లెక్కింపు తదుపరి ఫలితాలను ప్రకటించడం జరుగుతుం దని అనంతరం గెలుపొందిన వారికి ఎన్నికల అధికారిచే ధ్రువీకరణ పత్రము అందజేయడం జరుగుతుందని ఎన్నికల అధికారి ఎం వాణిశైలజ పేర్కొ న్నారు.ఈకార్యక్రమంలో మండల పరిషత్ అభివృద్ధి అధికారి నడిమింటి సూర్యనారాయణ,మండల తహసిల్దార్ పాము బాల, ఎంపీడీవో కార్యాలయ ఏ ఓ నాలి అర్జునరావు,డిప్యూటీ ఎంపీడీవో మరడాన వెంకటేశ్వరరావు, కార్యాలయ సిబ్బంది బెంకిలి శ్రీనివాస రావు ఎన్ కులశేఖర్, గుంట్రేడ్డి కృష్ణప్రసాద్, అలజంగి శ్రీకాంత్, గంట విజయలక్ష్మి,డాకోజు సూర్యప్రభాకర్, గంట రామినాయుడు తదితరులు పాల్గొన్నారు.

రిపోర్టర్ : శశి భూషణరావు, గరుగుబిల్లి, పార్వతిపురం మన్యం.