తెదేపాలోకి వైకాపా నాయకులు జంప్...!!

ఆనందపురం, సూర్య : స్థానిక గ్రామపంచాయతీకి చెందిన వైకాపా నాయకులు సోమవారం భీమిలి ఎమ్మెల్యే గంటా శ్రీనివాసరావు సమక్షంలో తెలుగుదేశం పార్టీలో చేరారు. గత ఎన్నికల్లో వైకాపా తరఫున సర్పంచి అభ్యర్థిగా పోటీ చేసిన మీసాల పైడిరాజు తన అనుచరులతో కలిసి ఎమ్మెల్యే క్యాంపు కార్యాలయంలో ఆయనను కలిశారు. ఈ సందర్భంగా గంటా శ్రీనివాసరావు వారికి పార్టీ కండువాలు కప్పి సాదరంగా ఆహ్వానించారు. పైడిరాజుతో పాటు వార్డు సభ్యులు, సుమారు 200 మంది కార్యకర్తలు తెదేపాలో చేరినట్లు పార్టీ వర్గాలు తెలిపాయి. కూటమి ప్రభుత్వం చేపడుతున్న అభివృద్ధి, సంక్షేమ కార్యక్రమాలకు ఆకర్షితులై అనుచరులతో కలిసి తెదేపాలో చేరినట్లు పైడిరాజు పేర్కొన్నారు. పార్టీ బలోపేతానికి, ఆనందపురం గ్రామపంచాయతీ అభివృద్ధికి కృషి చేస్తానని తెలిపారు.

రిపోర్టర్ : శ్రీనివాస్, ఆనందపురం, విశాఖపట్నం.