బాధిత కుటుంబానికి రూ.60 వేల ఆర్థిక సాయం

అనంతపురం మేజర్ న్యూస్ ప్రతినిధి:-పార్కిన్సన్ వ్యాధితో బాధపడుతూ మంచానికే పరిమితమైన సుమంత్ కుటుంబానికి నిత్యసురభి చారిటబుల్ ట్రస్ట్ చైర్‌పర్సన్ డాక్టర్ ఎస్. నిర్మలమురళి ఆధ్వర్యంలో రూ.60 వేల ఆర్థిక సహాయం అందించారు. ట్రస్ట్ సభ్యుడు కల్లమడి రవీంద్రనాథ్ రూ.50 వేలు, ఇతర సభ్యులు రూ.10 వేలు సమకూర్చారు. సుమంత్ శస్త్రచికిత్సకు సుమారు రూ.40 లక్షలు అవసరమని వైద్యులు సూచించడంతో, ఇద్దరు చిన్నారులున్న బాధిత కుటుంబానికి దాతలు అండగా నిలిచారు. ఆపదలో ఉన్నవారికి ప్రతి ఒక్కరూ తమకు వీలైనంత సహాయం అందించాలని నిర్మలమురళి కోరారు.

(మల్లికార్జున నేటి దినపత్రిక సూర్య స్టాఫ్ రిపోర్టర్)