జర్నలిస్టుల ఐక్యతే లక్ష్యం.. జేపీఎఫ్ కార్యాలయం ప్రారంభం

పెనమలూరు, మేజర్ న్యూస్: జర్నలిస్టుల ఐక్యత, సంక్షేమం, హక్కుల పరిరక్షణే లక్ష్యంగా జర్నలిస్టు ప్రొటెక్షన్ ఫోర్స్ (జేపీఎఫ్) కార్యాలయాన్ని పెనమలూరులో ఘనంగా ప్రారంభించారు. కార్యాలయ ప్రారంభోత్సవం సందర్భంగా నిర్వహించిన పూజా కార్యక్రమంలో ఎమ్మెల్యే పాల్గొని కార్యాలయాన్ని ప్రారంభించారు. ఈ కార్యక్రమానికి మాజీ ఎమ్మెల్సీ వై.వి.బి. రాజేంద్రప్రసాద్, పెనమలూరు నియోజకవర్గ వైసీపీ సమన్వయకర్త దేవభక్తుని చక్రవర్తి విశిష్ట అతిథులుగా హాజరయ్యారు. నియోజకవర్గానికి చెందిన పలువురు రిపోర్టర్లు పాల్గొన్నారు. ప్రజలకు, ప్రభుత్వానికి మధ్య వారధిగా ఉంటూ ప్రజా సమస్యలను వెలుగులోకి తీసుకొచ్చే జర్నలిస్టులకు వృత్తిపరంగా ఎదురయ్యే సమస్యలు, ఒత్తిళ్ల సమయంలో అండగా నిలవడం, వారి హక్కులను పరిరక్షించడం, సమస్యల పరిష్కారానికి కృషి చేయడం జేపీఎఫ్ ప్రధాన లక్ష్యమని నిర్వాహకులు పేర్కొన్నారు. జర్నలిస్టుల మధ్య సమన్వయాన్ని పెంపొందిస్తూ, ఐక్యంగా సమస్యల పరిష్కారానికి కృషి చేసే వేదికగా ఈ కార్యాలయం పనిచేయనుంది. జర్నలిస్టుల ఐక్యతే బలంగా, హక్కుల పరిరక్షణే ధ్యేయంగా జేపీఎఫ్ ముందుకు సాగాలని పలువురు ఆకాంక్షించారు.

స్టాఫ్ రిపోర్టర్: ✍️ ప్రేమ్ రాజ్, పెనమలూరు, కృష్ణాజిల్లా.