గోపిరెడ్డి శ్రీనివాస్‌రెడ్డి హౌస్‌ అరెస్ట్‌
నరసరావుపేట: మున్సిపల్ ఎన్నికల నామినే షన్ల నేపథ్యంలో పల్నాడు జిల్లా వైఎస్సార్‌సీపీ వర్కింగ్ ప్రెసిడెంట్‌ డాక్టర్‌ గోపిరెడ్డి శ్రీనివాస్‌రెడ్డిని పోలీసులు శనివారం ఉదయం హౌస్‌ అరెస్ట్‌ చేశారు. ఈ సందర్భంగా ఆయన మాట్లాడుతూ పోలీసుల చర్యలు ప్రజాస్వామ్యబద్ధమైన ఎన్నికలకు ఆటంకం కలిగించేలా ఉన్నాయని విమర్శించారు. అధికార పార్టీకి చెందిన వారు వైఎస్సార్‌సీపీ అభ్యర్థుల నామినేషన్లను అడ్డుకు నేందుకు 300 మంది రౌడీలు, గూండాలను రంగంలోకి దించారని ఆరోపించారు. తమ పార్టీకి చెందిన నాయకులు, కార్యకర్తలను పోలీసులు అదుపులోకి తీసుకోవడం దారుణమన్నారు. చైర్మన్ అభ్యర్థితో పాటు 48 మంది కౌన్సిలర్‌ అభ్యర్థులు నామినేషన్లు వేసేందుకు సిద్ధంగా ఉన్నారని స్పష్టం చేశారు. ఎంపీ ఇచ్చిన హామీకి కట్టుబడి వైఎస్సార్‌సీపీ అభ్యర్థులందరికీ ఎలాంటి ఇబ్బందులు లేకుండా నామినేషన్లు వేయించేలా చూడాలని కోరారు. పార్టీ నాయకులు, కార్యకర్తలు అధైర్యపడకుండా నామినేషన్లు దాఖలు చేయాలని పిలుపుని చ్చారు.
మల్లికార్జునరావు పల్నాడు జిల్లా ఇన్చార్జి..
