తెలంగాణ హమాలీ మిల్ వర్కర్స్ యూనియన్ రాష్ట్ర అధ్యక్షులు కొక్కు సారంగపాణి

ఇల్లందు రూరల్, సూర్య మేజర్ న్యూస్ : హమాలీలకు సంక్షేమ సంఘం బొడ్డును ఏర్పాటు చేయాలని తెలంగాణ హమాలీ మిల్ వర్కర్స్ యూనియన్ రాష్ట్ర అధ్యక్షులు కొక్కు సారంగపాణి అన్నారు. ఆదివారం మండల పరిధిలోని ముకుందాపురం క్యాంపు సెంటర్లో ఏర్పాటు చేసిన హమాలీల జనరల్ బాడీ సమావేశంలో హాజరై మాట్లాడారు. తీవ్ర అనారోగ్య కారణాలతో హమాలీలు నిత్యం బరువులు మోస్తూ కాలం వెళ్ళదిస్తున్నారన్నారు. ఎలాంటి సంక్షేమ సంఘం బోర్డు లేకపోవడంతో కార్మికులు దుర్భరమైన జీవితాలను గడుపుతున్నారన్నారు. సంక్షేమ సంఘం బొడ్డును ఏర్పాటు చేసి గుర్తింపు కార్డులు ఇవ్వాలని, పెన్షన్ సౌకర్యం కల్పించాలని, ఇందిరమ్మ గృహాలు మంజూరు చేయాలని, చట్టబద్ధమైన హక్కులు, సౌకర్యాలు కల్పించాలని డిమాండ్ చేశారు. అనంతరం క్యాంపు సెంటర్లో ప్రదర్శన నిర్వహించారు. ఈ కార్యక్రమంలో నాయకులు శ్రీనివాస్, రావురి ఉపేందర్ రావు, వెంకటేశ్వర్లు, ఉప్పలయ్య, వెంకన్న, శ్రీకాంత్, మోహన్, ప్రసాద్, సురేష్, అశోక్ తదితరులు పాల్గొన్నారు.