ఘనంగా అంగన్వాడి ఉత్సవాలు

ఘనంగా 'అంగన్‌వాడీ ఉత్సవాలు'

​పౌష్టికాహార పథకాలపై తల్లులకు విస్తృత అవగాహన

పులివెందుల మేజర్ న్యూస్:

​స్థానిక శ్రీరామహాల్ రోడ్డు 2
అంగన్‌వాడీ కేంద్రంలో 'అంగన్‌వాడీ ఉత్సవాలు' ఘనంగా నిర్వహించారు.ఈ కార్యక్రమానికి ఐసీడీఎస్ సూపర్‌వైజర్ బి.రాజ్యలక్ష్మి ముఖ్య అతిథిగా హాజరై,సచివాలయ,ఆరోగ్య సిబ్బందితో కలిసి ప్రభుత్వ పథకాలపై తల్లులకు అవగాహన కల్పించారు.​ఈ సందర్భంగా సూపర్‌వైజర్ మాట్లాడుతూ ప్రభుత్వం గర్భిణులు,బాలింతలకు నెలకు బియ్యం,రాగిపిండి,పప్పు,నూనె,పాలు,గుడ్లు,చిక్కీలతో కూడిన పోషకాహారాన్ని ప్రతినెలా రెండు విడతల్లో ఇంటికే అందజేస్తున్నట్లు తెలిపారు.7 నెలల నుంచి 3 ఏళ్ల చిన్నారులకు బాలామృతం,గుడ్లు,పాలు పంపిణీ చేస్తున్నామని,3 నుండి 6 ఏళ్ల పిల్లలకు ప్రీ-స్కూల్ విద్యతో పాటు రోజూ గుడ్డు,పాలు,వేడి భోజనం అందిస్తున్నట్లు పేర్కొన్నారు.​పిల్లల ఎత్తు,బరువులను పరిశీలించి పోషకాహార లోపం ఉంటే 'నవచేతన' యాప్ ద్వారా ఆస్పత్రులకు రెఫర్ చేస్తున్నామని వెల్లడించారు.పీఎంఎంవీవై కింద అర్హులైన తల్లులకు రూ. 5,000/- నుండి రూ. 6,000/- వరకు ఆర్థిక సాయం అందుతుందని తెలిపారు.
అనంతరం కేంద్రంలోని ఇండక్షన్ స్టవ్,సామగ్రిని పరిశీలించి, తల్లులందరూ ఈ సేవలను సద్వినియోగం చేసుకోవాలని కోరారు కార్యక్రమంలో అంగన్‌వాడీ కార్యకర్తలు, బాల పరిమళ ఆయా విజయలక్ష్మి  ఏఎన్ఎం రజియా తదితరులు పాల్గొన్నారు.