ఒంగోలు మున్సిపల్ కార్పొరేషన్ 150వ వసంత వేడుకల్లో ఎమ్మెల్యే ఎం.ఎస్. రాజు
అనంతపురం బ్యూరో: ఒంగోలు మున్సిపల్ కార్పొరేషన్ 150వ వసంత వేడుకలు ఘనంగా నిర్వహించారు. ఈ వేడుకలకు మడకశిర శాసనసభ్యులు, టీటీడీ పాలకమండలి సభ్యులు, శ్రీసత్యసాయి జిల్లా తెలుగుదేశం పార్టీ అధ్యక్షులు ఎం.ఎస్. రాజు హాజరై జ్యోతి ప్రజ్వలన కార్యక్రమంలో పాల్గొన్నారు.
ఈ సందర్భంగా నిర్వహించిన కార్యక్రమంలో ఒడిశా గవర్నర్ కంభంపాటి హరిబాబు, మంత్రి డోలా శ్రీ బాలవీరాంజనేయస్వామి, ఎమ్మెల్యే సోమిరెడ్డి చంద్రమోహన్ రెడ్డి, 20 సూత్రాల కమిటీ చైర్మన్ లంకా దినకర్, ఒంగోలు మున్సిపల్ కార్పొరేషన్ స్పెషల్ ఆఫీసర్ పి. రాజబాబు, ఒంగోలు శాసనసభ్యులు దామచర్ల జనార్దన్ తదితరులు పాల్గొన్నారు.
ఒంగోలు మున్సిపల్ కార్పొరేషన్ 150 సంవత్సరాల ప్రస్థానాన్ని పురస్కరించుకుని నిర్వహించిన ఈ వేడుకల్లో పలువురు ప్రజాప్రతినిధులు, నాయకులు, అధికారులు పాల్గొని కార్యక్రమాన్ని విజయవంతం చేశారు. ఈ సందర్భంగా మున్సిపల్ కార్పొరేషన్ ప్రస్థానం, నగర అభివృద్ధికి అందించిన సేవలను గుర్తుచేసుకున్నారు.
