స్వచ్ఛతలో భాగస్వాములుకండి.. -సర్పంచ్ కవిత

బెజ్జంకి,:స్వచ్ఛ గ్రామంగా తీర్చిదిద్దేందుకు ప్రతి ఒక్కరు భాగస్వాములు కావాలని సర్పంచ్ ముక్కిస కవిత పిలుపునిచ్చారు.మండల పరిధిలోని లక్ష్మీపూర్ గ్రామంలో 'స్వచ్ఛతా హీ సేవా-2026లో భాగంగా గురువారం పాలకవర్గం సభ్యుల ఆధ్వర్యంలో పరిశుభ్రతపై అవగాహన కల్పించారు.ఈ సందర్బంగా పలు వార్డుల్లో సర్పంచ్ కవిత,పాలకవర్గ సభ్యులు చీపురు పట్టి శుభ్రం చేశారు.ఎండిపోయిన పిచ్చి మొక్కలు,చెత్తను తొలగించారు.తడి,పొడి చెత్తను వేరు చేసి గ్రామపంచాయతీ ట్రాక్టర్ కుఅందించాలన్నారు.పరిశుభ్రత,పర్యావరణ పరిరక్షణకు అందరి సహకారం అవసరమని సర్పంచ్ కవిత పేర్కొన్నారు.ఉప సర్పంచ్ గంగాధర హరీష్,కార్యదర్శి కిషన్,వార్డు సభ్యులు పాకాల శ్రీనివాస్ రెడ్డి,లింగాల అర్జున్,వనపర్తి పద్మ,బోనగిరి మంజుల,మహేష్,కాంగ్రెస్ మాజీ మండలాధ్యక్షుడు ముక్కిస రత్నాకర్ రెడ్డి,పారిశుధ్య సిబ్బంది,గ్రామస్తులు పాల్గొన్నారు.