చుండూరి నీ స్థాయేంటే....?
చుండూరి నీ స్థాయేంటే....?
- నోరు అదుపులో పెట్టుకొని మాట్లాడు
- ఎమ్మెల్యే దామచర్లను అనోసరంగా విమర్శిస్తే ఊరుకోం
- వైసిపి కళ్ళకు ఒంగోలు అభివృద్ధి కనపడటం లేదా...?
- దామచర్ల హాయంలోనే ఒంగోలు నియోజకవర్గ అభివృద్ధి పరుగులు
- చుండూరి రవి వ్యాఖ్యలపై టిడిపి నేతలు ఆగ్రహం సూర్య ఒంగోలు :
చుండూరి నీ స్థాయింటి...? ఎమ్మెల్యే దామచర్ల జనార్ధన్ ను విమర్శించే స్థాయి మీదా..? నోరు అదుపులో పెట్టుకొని మాట్లాడు అని తెలుగు దేశం పార్టీ నాయకులు హెచ్చరించారు. ఒంగోలు మున్సిపాలిటీ 150 ఏళ్ళ సంబరాలపై వైసిపి ఒంగోలు అసెంబ్లీ ఇన్చార్జ్ చుండూరి రవి చేసిన వ్యాఖ్యలపై శుక్రవారం మీడియా సమావేశంలో వ్యవసాయ మార్కెట్ ఛైర్మన్ రాచగర్ల వెంకట్రావు, బండారు మదవ్, కామేపల్లి శ్రీనివాసులు, రాజ్ విమల్లు ఆగ్రహం వ్యక్తం చేశారు. చుండూరి రవి నోరు అదుపులో పెట్టుకొని మాట్లాడాలని హెచ్చరించారు. ఎమ్మెల్యే దామచర్ల జనార్ధన్ హాయాంలోనే ఒంగోలు నియోజకవర్గంలో ముమ్మరంగా అభివృద్ధి పనులు జరిగాయని తెలిపారు. 6 బ్రిడ్జీలు, రోడ్లు, డ్రైన్లు, ప్రజా జీవితానికి కావాల్సిన అన్నీ వసతులు, సౌకర్యాలు ఏర్పాటు చేశారని వివరించారు. దామచర్ల కుటుంబం అంటేనే ప్రజా జీవితంలో ఉండే వారు అని తెలుసుకోవాలన్నారు. అలాంటి వ్యక్తిపై అనోసరంగా, కావాలని చుండూరి రవి మాట్లాడటం సిగ్గు చేటు అన్నారు. నీ రాజకీయ జీవితం అందరికి తెలుసు అని పేర్కొన్నారు. రేషన్ బియ్యంకు పాలీస్ వేసి తిరుమలతో అన్నదాన సత్రానికి తరలించే విషయం అందరికి తెలుసు అన్నారు. ఎన్నడూ లేని విధంగా ఒంగోలులో జరుగుతున్న అభివృద్ధిని చూసి ఓర్వలేక అవాకులు, చవాకులు పేలడం సరికాదని నేతలు హితవు పలికారు. మళ్లీ కావాలని ఎమ్మెల్యే దామచర్లపై అసత్య విమర్శలు, ఆరోపణలు చేస్తే ఊరుకునే ప్రసక్తే లేదని నేతలు హెచ్చరించారు.
