సంస్కృత వర్సిటీలో స్వచ్ఛ దివస్ -ఘనంగా గాంధీ, శాస్త్రి జయంతి వేడుకలు

స్వచ్ఛభారత్ దివస్, జాతిపిత మహాత్మా గాంధీ, లాల్ బహదూర్ శాస్త్రి జయంతి వేడుకలు జాతీయ సంస్కృత విశ్వవిద్యాలయం ఇండోర్ స్టేడియంలో శుక్రవారం ఘనంగా నిర్వహించారు. ఈ కార్యక్రమానికి ఎస్వి వేదిక్ యూనివర్సిటీ వీసీ ప్రొ.రాణీ సదాశివమూర్తి ముఖ్య అతిథిగా హాజరై, వీసీ ప్రొ.జి.ఎస్.ఆర్. కృష్ణమూర్తితో కలిసి మహనీయుల చిత్రపటాలకు పూలమాలలు వేసి నివాళులర్పించారు. ప్రొ. సదాశివమూర్తి మాట్లాడుతూ స్వచ్ఛతను జీవిత కర్తవ్యంగా భావించాలని, హృదయం నుంచి స్వచ్ఛతా భావన రావాలని, పరిసరాలను పరిశుభ్రంగా ఉంచుకొని ఆరోగ్యంగా ఉండాలని, గాంధీ, శాస్త్రిల త్యాగాలు ఆదర్శమని అన్నారు.వీసీ ప్రొ.జి.ఎస్.ఆర్.కృష్ణమూర్తి మాట్లాడుతూ సెప్టెంబర్ 17 నుండి గాంధీ జయంతి వరకు స్వచ్ఛతా హి సేవా కార్యక్రమాలను నోడల్ ఆఫీసర్ డా.కనపాల కుమార్ ఆధ్వర్యంలో నిర్వహించామని, ప్రతి ఒక్కరూ స్వచ్ఛతను నిత్యకర్మగా పాటించాలని పిలుపునిచ్చారు.ఈ కార్యక్రమంలో అకడమిక్ డీన్ ప్రొ. రజనీకాంత్ శుక్ల, ఫైనాన్స్ ఆఫీసర్ ప్రొ. రాధాగోవింద త్రిపాఠి, ప్రొక్టర్ ప్రొ. సతీష్ కె.ఎస్., డా.కృష్ణ కుమార్ భార్గవ్, ప్రొ.జె.బి.చక్రవర్తి, వి. సేతురాం, తపన్ కుమార్ గడై, డా.కె. లీనాచంద్ర, అధ్యాపకులు, విద్యార్థులు పాల్గొన్నారు.