విద్యార్థుల కల నెరవేరింది... బిసి హాస్టల్ మెస్ చార్జీల పెంచిన ప్రభుత్వం -కూటమి ప్రభుత్వానికి కృతజ్ఞతలు -తిరుపతిలో సీఎం డిప్యూటీ సీఎం, మంత్రుల చిత్రపటాలకు పలాభిషేకం

బీసీ హాస్టల్ విద్యార్థుల చిరకాల డిమాండ్ నెరవేరింది. మెస్ చార్జీలు పెంచుతూ రాష్ట్ర ప్రభుత్వం జీవో నెంబర్ 18 విడుదల చేయడంతో విద్యార్థుల్లో హర్షాతిరేకాలు వ్యక్తమయ్యాయి. ఈ మేరకు ఓబీసీ విద్యార్థి సంక్షేమ సంఘం జాతీయ అధ్యక్షులు డాక్టర్ ఉప్పర నాగేశ్వరరావు ఆధ్వర్యంలో 

బాలాజీ సర్కిల్‌లోని మహాత్మా జ్యోతిరావు పూలే విగ్రహం బీసీ హాస్టల్ విద్యార్థులు సంబరాలు నిర్వహించారు. ముఖ్యమంత్రి నారా చంద్రబాబు నాయుడు, ఉప ముఖ్యమంత్రి పవన్ కళ్యాణ్, విద్యాశాఖ మంత్రి నారా లోకేష్, బీసీ సంక్షేమ శాఖ మంత్రి సవితమ్మ చిత్రపటాలకు పాలాభిషేకం చేసి కృతజ్ఞతలు తెలిపారు. ఈ సందర్భంగా డాక్టర్ నాగేశ్వరరావు మాట్లాడుతూ గత కొంతకాలంగా బీసీ హాస్టల్ విద్యార్థులు మెస్ చార్జీల పెంపు కోసం ఎదురుచూస్తున్నారు. నిత్యావసర ధరలు పెరిగిన నేపథ్యంలో పాత చార్జీలతో భోజనం కష్టంగా మారింది. ఈ విషయాన్ని పలుమార్లు ప్రభుత్వం దృష్టికి తీసుకెళ్లాం. మా వినతిని సానుకూలంగా స్వీకరించి జీవో నంబర్ 18 ద్వారా మెస్ చార్జీలు పెంచిన కూటమి ప్రభుత్వానికి, ముఖ్యంగా సీఎం చంద్రబాబు, డిప్యూటీ సీఎం పవన్ కళ్యాణ్ , మంత్రులు లోకేష్, సవితమ్మ కు ప్రత్యేక కృతజ్ఞతలు తెలిపారు. బీసీ విద్యార్థుల సంక్షేమానికి కూటమి ప్రభుత్వం అండగా ఉందని, ఈ నిర్ణయం వేలాది మంది పేద బీసీ విద్యార్థులకు ఎంతో మేలు చేస్తుందని ఆయన పేర్కొన్నారు. ఈ కార్యక్రమంలో ఓబీసీ విద్యార్థి సంక్షేమ సంఘం కర్నూలు జిల్లా అధ్యక్షులు గట్టు సురేష్, నెల్లూరు జిల్లా అధ్యక్షులు శీను, యూనివర్సిటీ ఇంచార్జ్ ఎజ్రా, ధనుష్, మధు, పలువురు బీసీ హాస్టల్ విద్యార్థులు పెద్ద సంఖ్యలో పాల్గొన్నారు.

సీఎం గౌడ్ తిరుపతి ప్రతినిధి