గోవింద నామస్మరణతో మార్మోగిన వాడపల్లి వెంకన్న ఆలయం

                                   వెంకన్న సన్నిధిలో సినీనటులు జీవన్ కుమార్

ఆత్రేయపురం మేజర్ న్యూస్ కోనసీమ తిరుమలగా కోరిన కోర్కెలు తీర్చే దైవంగా  విరాజిల్లుతున్న వాడపల్లి వెంకటేశ్వరస్వామివారి ఆలయం భక్తుల గోవింద నామ స్మరణతో మార్మోగింది. ఏడు శనివారాల వెంకన్న దర్శనం ఏడేడు జన్మల పుణ్యఫలం అనే నానుడితో రాష్ట్రాల నుండి వేలాదిమంది భక్తులు తరలివచ్చి స్వామివారిని దర్శించి మొక్కుబడులు తీర్చుకుంటున్నారు. స్వామివారికి సుప్రభాత సేవ, నీరాజనం మంత్రపుష్పం, పుణ్యా వచనం, కళ్యాణం వంటి కార్యక్రమాలను అర్చక బృందం వైభవంగా నిర్వహించారు.

కాలినడకన వచ్చే భక్తులకు ప్రత్యేక వసతులు ఏర్పాటు చేశారు. ఆలయానికి వచ్చే భక్తులకు ఆర్టీసీ ప్రత్యేక బస్సులు నడిపింది. శనివారం స్వామివారి ఆదాయం రూ 60 లక్షలు సమకూరింది. ఆలయంలో నిర్వహించిన వివిధ సాంస్కృతిక కార్యక్రమాలు అందరినీ అలరించాయి స్వామివారిని .సినీనటులు జీవన్ కుమార్ దర్శించి ప్రత్యేక పూజలు నిర్వహించారు వీరికి అర్చకులు ఆలయ మర్యాదలతో స్వాగతం పలికే స్వామి విశిష్టత గురించి తెలియజేశారు భక్తులకు ఎటువంటి ఇబ్బందులు తలెత్తకుండా చైర్మన్ ముదునూరి వెంకటరాజు డిప్యూటీ కమిషనర్ నల్లం సూర్య చక్రధర్ రావు లు ఏర్పాట్లను పర్యవేక్షించారు