ప్రజా సమస్యల పరిష్కారమే ప్రభుత్వ లక్ష్యం

ప్రజా సమస్యలను క్షేత్రస్థాయిలోనే తెలుసుకొని సత్వరమే పరిష్కరించడమే కూటమి ప్రభుత్వ ప్రధాన లక్ష్యమని టిడిపి పార్లమెంటు అధ్యక్షురాలు పనబాక లక్ష్మి, తుడా చైర్మన్, టీటీడీ ఎక్స్ అఫిషియో మెంబర్, తెదేపా తిరుపతి పార్లమెంట్ ప్రధాన కార్యదర్శి డాక్టర్ డాలర్స్ దివాకర్ రెడ్డి పేర్కొన్నారు. తిరుపతిలోని తెలుగుదేశం పార్టీ పార్లమెంట్ కార్యాలయంలో శుక్రవారం ప్రజా దర్బార్ కార్యక్రమాన్ని నిర్వహించారు. ఈ కార్యక్రమానికి వారితోపాటురాష్ట్ర యాదవ కార్పొరేషన్ చైర్మన్ నరసింహ యాదవ్, తిరుపతి నియోజకవర్గ ఇన్‌ఛార్జ్ జేబీ శ్రీనివాస్ హాజరై ప్రజలనుంచి అర్జీలను స్వీకరించారు.ఈ సందర్భంగా వారు మాట్లాడుతూ గత ప్రభుత్వ హయాంలో నిర్లక్ష్యానికి గురైన ప్రజా సమస్యలను పరిష్కరించేందుకు కూటమి ప్రభుత్వం అత్యంత ప్రాధాన్యత ఇస్తోందన్నారు. ప్రజలు తమ ఇబ్బందులను నిర్భయంగా తెలియజేయవచ్చని, ప్రతి వినతిపత్రాన్ని సంబంధిత అధికారుల దృష్టికి తీసుకెళ్లి న్యాయం జరిగేలా చర్యలు తీసుకుంటామని హామీ ఇచ్చారు.పార్లమెంట్ కమిటీ సభ్యులు, టీడీపీ సీనియర్ నాయకులు పాల్గొన్నారు.

సీఎం గౌడ్ తిరుపతి ప్రతినిధి