అట్టహాసంగా మాజీ ఎమ్మెల్యే నవాజ్ బాషా జన్మదిన వేడుకలు

- శుభాకాంక్షలు తెలిపిన మదనపల్లి ప్రెస్ క్లబ్ పాత్రికేయులు

మదనపల్లె : మదనపల్లి మాజీ ఎమ్మెల్యే మహమ్మద్ నవాజ్ బాషా జన్మదిన వేడుకలు శుక్రవారం సీటీఎం రోడ్డులోని ఆయన నివాసంలో ఘనంగా జరిగాయి.ఈ వేడుకలు వైఎస్సార్సీపీ నాయకులు,ఆయన అభిమానులు పెద్దఎత్తున తరలివచ్చారు.ఈ నేపథ్యంలో మదనపల్లె ప్రెస్ క్లబ్ అధ్యక్షుడు నక్కింటి రవీంద్ర,కార్యదర్శి మోడెం శ్రీనివాసరావు,పాత్రికేయులు బి.శ్రీనివాసులు రెడ్డి,అశోక్ కుమార్,కె.ఈశ్వర్ రెడ్డి,డీఎస్ లక్ష్మీపతి,వాయిస్ ఆఫ్ విజయ్,హరిప్రసాద్,మణికుమార్,వెంకీలు మాజీ ఎమ్మెల్యేకి పుష్పగుచ్ఛం అందజేసి శాలువాతో ఘనంగా సన్మానించి పుట్టినరోజు శుభాకాంక్షలు తెలిపారు.2019 నుండి 2024 వరకు వైకాపా ఎమ్మెల్యేగా ఎన్నో అభివృద్ధి కార్యక్రమాలకు శ్రీకారం చుట్టి మదనపల్లి నియోజకవర్గం ప్రజల అభిమానాన్ని చూరగొన్నారని ప్రశంసించారు.ప్రజా సంక్షేమం,నియోజకవర్గం అభివృద్ధితోపాటు పాత్రికేయుల శ్రేయస్సుకు ఆయన విశేష కృషి చేశారని కొనియాడారు.నిస్వార్ధ ప్రజాసేవకు సరైన నిర్వచనం తెలిపిన నవాజ్ బాషా ఇలాంటి పుట్టినరోజు వేడుకలు మరెన్నో జరుపుకోవాలని,భవిష్యత్తులో ఉన్నత పదవులు అలంకరించాలని ఆకాంక్షించారు.ఈ సందర్భంగా నవాజ్ బాషా మాట్లాడుతూ తనకు పుట్టినరోజు శుభాకాంక్షలు తెలిపిన మదనపల్లె ప్రెస్ క్లబ్ పాత్రికేయులకు కృతజ్ఞతలు తెలుపుతున్నాని,భవిష్యత్తులో సహాయ,సహకారాలు అందించాలని కోరారు.