వికారాబాద్ జిల్లాలో తూతూమంత్రంగా గాంధీ జయంతి నిబంధనలు.. గోదంగూడ రిసార్ట్‌పై పోలీసుల ఆకస్మిక దాడిలో వెలుగుచూసిన మాంసం
వికారాబాద్ జిల్లా ప్రతినిధి, మేజర్ న్యూస్ (అక్టోబర్ 02): రాష్ట్రవ్యాప్తంగా మహాత్మా గాంధీ జయంతి వేడుకలను అత్యంత నిబద్ధతతో, ప్రభుత్వ నిబంధనలకు అనుగుణంగా నిర్వహిస్తున్న వేళ, వికారాబాద్ జిల్లాలో మాత్రం అధికారుల ఆంక్షలు కాగితాలకే పరిమితమయ్యాయా అనే తీవ్ర అనుమానాలు వ్యక్తమవుతున్నాయి. జిల్లాలోని పరిధిలోకి వచ్చే గోదంగూడ ప్రాంతంలో స్థానిక పోలీసులు చేపట్టిన ఒక ఆకస్మిక తనిఖీలు మరియు దాడులలో విచిక రిసార్ట్ అక్రమ కార్యకలాపాలు వెలుగుచూడటంతో స్థానికంగా ఒక్కసారిగా కలకలం రేగింది. గాంధీ జయంతి వంటి పవిత్రమైన జాతీయ దినోత్సవం రోజున ప్రభుత్వం ఎన్ని కఠిన ఆంక్షలు విధించినప్పటికీ, ఈ రిసార్ట్‌లో మాత్రం నిబంధనలకు తిలోదకాలు ఇస్తూ మాంసం విక్రయాలు మరియు వంటకాలు యథేచ్ఛగా సాగుతున్నట్లు తేలడంతో అధికారులే విస్మయం వ్యక్తం చేయాల్సి వచ్చింది.పోలీసులు మరియు సంబంధిత శాఖల అధికారులు సంయుక్తంగా నిర్వహించిన ఈ దాడులలో రిసార్ట్ లోపలి పరిస్థితి చూసి అధికారులు కంగుతిన్నట్లు తెలుస్తోంది. పండుగలు లేదా ప్రత్యేక జాతీయ దినాలలో పాటించాల్సిన డ్రై డే నిబంధనలను పూర్తిగా విస్మరించడమే కాకుండా, వినియోగదారుల ప్రాణాలతో చెలగాటలాడేలా అత్యంత ప్రమాదకరమైన పరిస్థితులు అక్కడ కనిపిచాయి. తనిఖీలు మరింత ముమ్మరం చేసిన క్రమంలో రిసార్ట్ వంటగదిలో విరివిగా మాంసం లభ్యం కావడమే కాక, అక్కడి ఫ్రిజ్‌లు మరియు స్టోరేజ్ రూములలో పూర్తిగా కుళ్లిపోయి దుర్వాసన వస్తున్న ఆహార పదార్థాలను అధికారులు గుర్తించినట్లు సమాచారం అందుతోంది. ప్రజారోగ్యాన్ని తీవ్రంగా పణంగా పెడుతున్న ఈ వ్యవహారంపై అధికారులు ఆరా తీయగా, నిర్వాహకుల నిర్లక్ష్య వైఖరి స్పష్టంగా బయటపడింది.
ఈ దాడుల నేపథ్యంలో ఆహార భద్రత మరియు నాణ్యతా ప్రమాదాల విభాగం అధికారులు రంగంలోకి దిగి మరింత లోతుగా పరిశీలనలు ప్రారంభించినట్లు సమాచారం. ప్రజలు తినే ఆహార పదార్థాల తయారీలో ఎటువంటి పరిశుభ్రత పాటించకుండా, నిబంధనలకు విరుద్ధంగా కుళ్లిపోయిన పదార్థాలను వినియోగిస్తూ కస్టమర్లకు వడ్డిస్తున్న తీరుపై తీవ్ర ఆగ్రహం వ్యక్తమవుతోంది. ఒకవైపు ప్రభుత్వం పర్యాటక ప్రాంతాలు మరియు రిసార్ట్‌‌లలో పారదర్శకత ఉండాలని, ప్రజల ఆరోగ్యానికి మొదటి ప్రాధాన్యత ఇవ్వాలని పదేపదే హెచ్చరిస్తున్నప్పటికీ, క్షేత్రస్థాయిలో మాత్రం కొందరు కేవలం వ్యాపార లాభాల కోసం నిబంధనలను తుంగలో తొక్కుతున్నారు.గోదంగూడలోని విచిక రిసార్ట్‌లో బయటపడిన ఈ అక్రమ మాంసం మరియు కుళ్లిపోయిన ఆహార నిల్వల ఉదంతంపై ఉన్నతాధికారులు తీవ్రంగా స్పందించే అవకాశం కనిపిస్తోంది. కేవలం తనిఖీలతో సరిపెట్టకుండా, నిబంధనలను ఉల్లంఘించి ప్రజల ప్రాణాలతో చెలగాటమాడుతున్న రిసార్ట్ యాజమాన్యంపై చట్టపరంగా కఠిన చర్యలు తీసుకోవాలని స్థానికులు మరియు ప్రజా సంఘాలు డిమాండ్ చేస్తున్నాయి. ఈ ఘటన వికారాబాద్ జిల్లా వ్యాప్తంగా సంచలనం సృష్టించడంతో పాటు, మిగతా రిసార్ట్‌లు మరియు హోటళ్ల నిర్వాహకులలో వణుకు పుట్టిస్తోంది. భవిష్యత్తులో ఇలాంటి ఘటనలు పునరావృతం కాకుండా అధికారులు నిరంతరం ఆకస్మిక తనిఖీలు చేపట్టాలని ప్రజలు కోరుతున్నారు.
