పార్టీలకతీతంగా సంక్షేమ పథకాలు అందిస్తున్నాం

మహిళల అభివృద్దే కుటుంబం అభివృద్ధి ఎమ్మెల్యే డాక్టర్ మట్టా రాగమయి దయానంద్

పెనుబల్లి సూర్య మేజర్ న్యూస్....
పార్టీలకు అతీతంగా  అర్హులైన ప్రతి ఒక్కరికి ప్రభుత్వ పథకాలు అందిస్తున్నామని సత్తుపల్లి శాసనసభ్యులు డాక్టర్ మట్టా రాగమయి దయానంద్ అన్నారు.
మహిళలు ఆర్థికంగా బలపడితే  కుటుంబాలు ఆనందంగా ఉంటాయని అన్నారు. సత్తుపల్లి ఎమ్మెల్యే డాక్టర్ మట్ట రాగమయి పెనుబల్లి మండలంలో శుక్రవారం పర్యటించారు. లింగగూడెం,  ఉప్పలచెలక, లింగగూడెం గ్రామాలలో పర్యటించి 45 మంది లబ్ధిదారులకు 45,05,220 రూపాయల  కల్యాణలక్ష్మి చెక్కుల పంపిణి చేశారు. ఈ సందర్భంగా ఆమె మాట్లాడుతూ ప్రతిపక్ష పార్టీ నాయకులు ప్రభుత్వంపై అబద్దాలు తప్పుడు ప్రచారం చేస్తుందని ఆమె ఆరోపించారు. ప్రతి కుటుంబం ఇంటిలో ప్రభుత్వ సంక్షేమ పథకం అందుతున్నాయని, ఫ్రీ బస్సు, ఉచిత కరెంట్, రైతు పథకాలు సన్నబియ్యం, బోనస్ వంటి అనేక పథకాలు అందుతున్నాయని లబ్ధిదారులు ప్రతిపక్ష పార్టీ చేస్తున్న తప్పుడు ప్రచారాన్ని ప్రశ్నించాలని పిలుపునిచ్చారు. బిఆర్ఎస్ నాయకులు అధికారం ఉంటేనే కనిపిస్తారని అధికారం లేకపోతే ఫామ్ హౌస్లకే పరిమితం అవుతారని ఎద్దేవా చేశారు. రేవంత్ రెడ్డి నాయకత్వంలోని కాంగ్రెస్ ప్రభుత్వం మహిళల అభివృద్ధికి మొదటి ప్రాధాన్యతనిస్తుందని అన్నారు. స్మార్ట్ రేషన్ కార్డులు, ఇందిరమ్మ ఇల్లు వంటి పథకాలలో మహిళల్ని కుటుంబ యజమానులను చేసిందని అన్నారు. రాబోవు పట్టభద్రుల ఎన్నికల్లో గ్రాడ్యుయేటర్ అందరూ ఓటును నమోదు చేసుకుని కాంగ్రెస్ పార్టీ అభ్యర్థిని దీవించాలని ఆమె కోరారు.
ఈ కార్యక్రమం లో తహసీల్దార్ వీరభద్రనాయక్, ఎంపీడీఓ వీరాస్వామి, మండల పార్టీ అధ్యక్షులు పంది వెంకటేశ్వరరావు, జిల్లా పార్టీ అధికార ప్రతినిధి పొట్లపల్లి వెంకటేశ్వరరావు, వీరబోయిన ప్రకాష్, బుక్క కృష్ణవేణి, భాగం నీరజ, సునీల, రాజబోయిన కోటేశ్వరరావు, పసుమర్తి విశ్వానాద్, గూడూరు మాధవరెడ్డి, బొర్రా కోటేశ్వరరావు, అలుగోజు చిన్న స్వామి, రాధకృష్ణ, మేకతొట్టి కాంతయ్య, పోతురాజు కిషోర్, దొంతు మాధవరావు, సర్పంచులు, కాంగ్రెస్ పార్టీ నాయకులు, కర్రి కమలాకర్, కార్యకర్తలు  తదితరులు పాల్గొన్నారు.