హార్టికల్చర్ హబ్ ద్వారా రైతులు కు ఎంతో ఉపయోగకరం

ఎమ్యెల్యే డాక్టర్ ఉగ్ర నరసింహారెడ్డి కనిగిరి ,మేజర్ న్యూస్ :పట్టణం లోని అమరావతి గ్రౌండ్ లో శుక్రవారం మదనపల్లి లో జరిగిన గ్లోబల్ హార్టికల్చర్ హబ్ ప్రారంభోత్సవ కార్యక్రమాన్ని ప్రత్యక్ష ప్రసారం ద్వారా ఎమ్యెల్యే డాక్టర్ ముక్కు ఉగ్ర నరసింహారెడ్డి రైతులతో కలిసి వీక్షించారు .ఈ సంధర్భంగా ఎమ్యెల్యే మాట్లాడుతూ కనిగిరి క్లస్టర్ సమగ్ర ఉద్యాన అభివృద్ధి కార్యాచరణ ప్రణాళికలో నియోజకవర్గం లోని 6 మండలాలను చేర్చడం జరిగిందన్నారు .ఈ క్లస్టర్లో 78 రైతు సేవాకేంద్రాలు 179 గ్రామాలు ఉండగా 4660 మంది రైతులు 5598 హెక్టార్లలో ఉద్యాన పంటలు సాగు చేస్తున్నట్లు తెలిపారు .ఈ ప్రణాళికలో మూడు సంవత్సరాల కాలానికి ఉద్యాన విస్తీర్ణాన్ని 12,815 హెక్టార్ల మేర పెంచడం ,14,666 హెక్టార్లలో సూక్ష్మ సేద్యం ,పర్టిగేషన్ మరియు ఆటోమేషన్ వంటి సాంకేతికతలను ప్రోత్సహించడం ,ఇప్పటికే ఉన్న తోటల్లో 950 హెక్టార్లలో ఉత్పాదకత చర్యలు చేపట్టడం లక్ష్యం గా పెట్టుకున్నట్లు చెప్పారు .అలాగే పంట అనంతర నిర్వహణ మరియు రవాణా సదుపాయాలకు 60 యూనిట్లు, ప్రాసెసింగ్- విలువ జోడింపు-బ్రాండింగ్ కు 36 యూనిట్లు, వ్యవసాయ యాంత్రీకరణకు 405 యూనిట్లు, ధృవీకరించిన నర్సరీలు 2, మార్కెట్ మౌలిక సదుపాయాలు/సేకరణ కేంద్రం 1 ఏర్పాటు చేయాలని ప్రతిపాదించినట్లు తెలిపారు .ఈ క్లస్టర్ ప్రణాళికకు ప్రతిపాదిత మొత్తం వ్యయం సుమారు రూ.465.16 కోట్లు ఇందులో ప్రభుత్వ రాయితీ 247.68 కోట్లు ప్రణాళిక అమలుతో మూడు సంవత్సరాల్లో ఉద్యాన విస్తీర్ణం సుమారు 18,381 హెక్టార్లకు, ఉత్పత్తి సుమారు 2.21 లక్షల మెట్రిక్ టన్నులకు చేరుతుందని అంచనా అని చెప్పారు .స్థూల విలువ జోడింపు సుమారు రూ.1,327.29 కోట్లకు పెరగడం, పంట అనంతర నష్టాలను 15 శాతం నుంచి 8 శాతానికి తగ్గించడం లక్ష్యాలుగా పేర్కొన్నారు.మదనపల్లిలో ప్రారంభమవుతున్న గ్లోబల్ హార్టికల్చర్ హబ్ అనుభవాలు, సాంకేతికత, నాణ్యత ప్రమాణాలు, మార్కెట్ అనుసంధానంపై అవగాహన పెంపొందించేందుకు ఒక ప్రేరణగా నిలుస్తాయన్నారు .రైతు సోదరులు ఉద్యానశాఖ అధికారులను సంప్రదించి, పంట ఎంపిక నుంచి మార్కెటింగ్ వరకు అందుబాటులో ఉన్న సాంకేతిక సలహాలు మరియు పథకాల ప్రయోజనాలను వినియోగించుకోవాలన్నారు .ఈ కార్యక్రమంలో ఏడీఏ షేక్ జైను లబ్దిన్ ,ఉద్యానవన అధికారి టీడీపి నాయకులు ,రైతులు పాల్గొన్నారు .