విజయ కాలనీ అంగన్వాడీ కేంద్రానికి స్వచ్ఛ్ ఆంధ్ర అవార్డు

చీపురుపల్లి అక్టోబర్ 2 మేజర్ న్యూస్:

 చీపురుపల్లి ఐసీడీఎస్ ప్రాజెక్టు పరిధిలోని చీపురుపల్లి పట్టణంలోని విజయ కాలనీ అంగన్వాడీ కేంద్రానికి స్వచ్ఛ్ ఆంధ్ర అవార్డు లభించింది. ఈ మేరకు జిల్లా కేంద్రంలో శుక్రవారం నిర్వహించిన గాంధీ జయంతి వేడుకల్లో అంగన్వాడీ టీచర్
డి భారతీదేవి కి రాష్ట్ర మంత్రి కొండపల్లి శ్రీనివాసరావు చేతులు మీదుగా ప్రశంస పత్రాన్ని అందజేశారు. అంగన్వాడీ కేంద్రం నిర్వహణ పరిశుభ్రంగా ఉంచడంతో ప్రభుత్వం గుర్తింపు లభించింది. ఈ అవార్డు ప్రధానోత్సవంలో నెల్లిమర్ల ఎమ్మెల్యే లోకం నాగ మాధవి, జిల్లా కలెక్టర్ రామసుందర్ రెడ్డి తదితరులు పాల్గొన్నారు.