కొత్తచెరువు సమస్యను పరిష్కరించాలని ఎమ్మార్వో కు వినతి

బిక్కనూర్ :మండలంలోని బాగిర్తి పల్లి గ్రామ శివారులో ఉన్న, కొత్తచెరువు సమస్యను పరిష్కరించాలని, కోరుతూ బుధవారం గ్రామ సర్పంచ్ గంగయ్యగారి నర్సింలు ఆధ్వర్యంలో, అఖిలపక్ష నాయకులు ఎమ్మార్వో సునీత దేవికి వినతి పత్రం సమర్పించారు. ఈ సందర్భంగా వారు మాట్లాడుతూ ఇటీవల ఇసన్నపల్లి గ్రామస్తులు వినాయక నిమజ్జనం సందర్భంగా, గ్రామస్తులతో గొడవకు దిగారని, వినాయక నిమజ్జనం కోసం ఇసన్నపల్లి గ్రామస్తులను తమ గ్రామస్తులు అడ్డుకోలేదని, గత 40 సంవత్సరాలుగా కొత్తచెరువు నుండి ముదిరాజ్ కులస్తులకు చెరువు పై హక్కు ఉందని, మత్స్యకార సొసైటీ తమ గ్రామంలోనే ఉందని, వెంటనే రెండు గ్రామాలకు ఇబ్బందులు లేకుండా కొత్తచెరువుకు సర్వే నిర్వహించి తమకు న్యాయం చేయాలని వినతిపత్రంలో పేర్కొన్నారు. ఈ సందర్భంగా ఎమ్మార్వో మాట్లాడుతూ సమస్యను త్వరలో పరిష్కరిస్తామని హామీ ఇచ్చారు. ఈ కార్యక్రమంలో గ్రామ పంచాయతీ పాలకవర్గ సభ్యులు, గ్రామస్తులు పాల్గొన్నారు