andhrapradesh
ఎం.ఎం.హళ్లిలో రేపు మంత్రి పయ్యావుల కేశవ్ పర్యటన
అనంతపురం బ్యూరో: కూడేరు మండలం ఎం.ఎం.హళ్లి గ్రామంలో గురువారం ఉదయం 10 గంటలకు రాష్ట్ర ఆర్థిక, ప్రణాళిక, వాణిజ్య పన్నులు, శాసనసభ వ్యవహారాల శాఖ మంత్రి పయ్యావుల కేశవ్ పర్యటించనున్నారు.
ఈ సందర్భంగా నిర్వహించనున్న ‘పేదల సేవలో పెన్షన్లు పంపిణీ’ కార్యక్రమంలో మంత్రి పాల్గొని లబ్ధిదారులకు పెన్షన్లు అందజేయనున్నారు. అనంతరం ఎం.ఎం.హళ్లి బ్రిడ్జి నిర్మాణానికి భూమిపూజ కార్యక్రమంలో పాల్గొననున్నారు.
మంత్రి పర్యటన నేపథ్యంలో సంబంధిత అధికారులు, స్థానిక ప్రజాప్రతినిధులు ఏర్పాట్లు చేస్తున్నారు. గ్రామంలో పెన్షన్ల పంపిణీతో పాటు బ్రిడ్జి నిర్మాణ పనులకు శ్రీకారం చుట్టనుండటంతో స్థానికులు కార్యక్రమంపై ఆసక్తి వ్యక్తం చేస్తున్నారు.
