కాఫీ విత్ కరణ్ షోకు తెరదించిన కరణ్ జోహార్.. సెలెబ్రిటీ కెరీర్‌లను ముగించిన ఐకానిక్ టాక్ షో ముగింపు
సూర్య ఎంటర్‌టైన్‌మెంట్ డెస్క్: బాలీవుడ్ చిత్ర పరిశ్రమలో దశాబ్దాలుగా అత్యంత ప్రజాదరణ పొందిన వివాదాస్పద టాక్ షో కాఫీ విత్ కరణ్ తన ప్రయాణాన్ని అధికారికంగా ముగిస్తున్నట్లు ప్రముఖ దర్శక నిర్మాత కరణ్ జోహార్ ప్రకటించారు. సుదీర్ఘ కాలంగా టెలివిజన్ మరియు డిజిటల్ వేదికలపై ప్రేక్షకులను అలరిస్తూ వచ్చిన ఈ ఐకానిక్ షో తొమ్మిదవ సీజన్‌తో పూర్తిగా ముగియనుందని ఆయన వెల్లడించారు. బాలీవుడ్ సెలెబ్రిటీల వ్యక్తిగత విషయాలు, వారి మధ్య ఉండే రహస్యాలు మరియు వివాదాస్పద వ్యాఖ్యలతో ఎప్పుడూ వార్తల్లో నిలిచిన ఈ షో ముగింపు నిర్ణయం ప్రస్తుతం సినీ వర్గాల్లో తీవ్ర చర్చనీయాంశంగా మారింది.
ఈ షో కేవలం వినోదాన్ని మాత్రమే కాకుండా, కొంతమంది నటీనటుల కెరీర్‌లను దాదాపు దెబ్బతీసే స్థాయికి వివాదాలను సృష్టించిందని అప్పట్లో పెద్ద ఎత్తున విమర్శలు వెల్లువెత్తాయి. సెలెబ్రిటీలు ఎంతో ఉత్సాహంగా వచ్చి ఇష్టానుసారంగా చేసిన కామెంట్లు, హోస్ట్ కరణ్ జోహార్ అడిగే ప్రశ్నలు కొన్నిసార్లు వారి వృత్తిపరమైన జీవితాలపై తీవ్ర ప్రభావం చూపాయి. అయినప్పటికీ, భారతీయ టెలివిజన్ చరిత్రలో అత్యధికంగా వ్యూస్ సాధించిన మరియు ఎన్నో సంచలనాలకు కేంద్రబిందువుగా నిలిచిన టాక్ షోగా ఇది చిరస్థాయిగా నిలిచిపోతుందనడంలో ఎలాంటి సందేహం లేదు.
ప్రస్తుతం ప్రసారం కానున్న తొమ్మిదవ సీజనే ఈ అద్భుతమైన టాక్ షోకి ఆఖరిది అని మేకర్స్ స్పష్టం చేయడంతో అభిమానులు ఒంత నిరాశకు గురవుతున్నారు. ఒక యుగానికి ప్రతీకగా నిలిచిన ఈ షో ముగింపుతో బాలీవుడ్ ప్రముఖుల గుసగుసలను బహిరంగంగా చర్చించే వేదిక ఇకపై కనుమరుగవుతుందని సినీ విశ్లేషకులు అభిప్రాయపడుతున్నారు. ఈ చివరి సీజన్‌ను మరింత ఆసక్తికరంగా, ఎన్నడూ లేని విధంగా అద్భుతమైన అతిథులతో ముగించేందుకు కరణ్ జోహార్ ప్రత్యేక ఏర్పాట్లు చేస్తున్నట్లు సమాచారం.
