ఎన్నికల వ్యూహాలపై వైసీపీ అభ్యర్థులకు దిశానిర్దేశం కడియంలో ఎంపీటీసీ, జడ్పీటీసీ అభ్యర్థులతో కీలక సమావేశం

కడియం ,మేజర్ న్యూస్ ,:స్థానిక సంస్థల ఎన్నికల్లో విజయమే లక్ష్యంగా వైఎస్సార్ కాంగ్రెస్ పార్టీ అభ్యర్థులు సమష్టిగా కృషి చేయాలని మాజీ మంత్రి, నియోజకవర్గ సమన్వయకర్త చెల్లుబోయిన వేణు గోపాలకృష్ణ, యువజన విభాగ నాయకులు జక్కంపూడి గణేష్ అన్నారు.కడియం మండలం కడియపులంక గ్రామంలోని ఎంపీపీ, ఎంపీటీసీ అభ్యర్థి  తాడాల విష్ణు చక్రవర్తి, రాజరాజేశ్వరి   ఆధ్వర్యంలో విష్ణు చక్రవర్తి నర్సరీలో  మండలంలోని 22 మంది ఎంపీటీసీ, జడ్పీటీసీ అభ్యర్థులతో సమావేశం నిర్వహించారు.ఈ సమావేశానికి ముఖ్య అతిథులుగా నియోజకవర్గ సమన్వయకర్త చెల్లుబోయిన వేణు గోపాలకృష్ణ, మాజీ డీసీసీబీ చైర్మన్ ఆకుల వీర్రాజు, మాజీ రాష్ట్ర బ్యూటిఫికేషన్ చైర్మన్ చందన నాగేశ్వరరావు, యువజన విభాగం నాయకులు జక్కంపూడి గణేష్, వైసీపీ రాష్ట్ర కార్యదర్శి గిరిజాల బాబు, మండల పార్టీ అధ్యక్షుడు యాదాల స్టాలిన్, జడ్పీటీసీ అభ్యర్థి కొత్తపల్లి నాగ శివాజీ తదితరులు పాల్గొన్నారు. ఈ సందర్భంగా ఎన్నికల ప్రచారంలో అనుసరించాల్సిన వ్యూహాలు, తీసుకోవాల్సిన జాగ్రత్తలపై వారు అభ్యర్థులకు, కార్యకర్తలకు దిశానిర్దేశం చేశారు. అలాగే
ఎన్నికల్లో అనుసరించాల్సిన వ్యూహాలు, ప్రజల్లోకి పార్టీ విధానాలను తీసుకెళ్లే విధానం, ప్రచార సమయంలో పాటించాల్సిన జాగ్రత్తలపై సూచనలు చేశారు. పార్టీ శ్రేణులంతా సమన్వయంతో పనిచేస్తూ అభ్యర్థుల విజయానికి కృషి చేయాలని పిలుపునిచ్చారు. ఈ కార్యక్రమంలో మండలంలోని ముఖ్య నాయకులు, కార్యకర్తలు పెద్ద సంఖ్యలో పాల్గొన్నారు.