దుర్గాదేవి ని దర్శించుకున్న దేశం నేత నాయుడు

నరసాపురం, సూర్య న్యూస్ :దేవీ శరన్నవరాత్రుల మహోత్సవాలను పురస్కరించుకుని  పట్టణంలోని 1వ వార్డు లాక్‌పేట్‌లో కొలువుదీరిన దుర్గాదేవి అమ్మవారిని తెలుగుదేశం పార్టీ రాష్ట్ర సీనియర్ నాయకులు, కొవ్వలి ఫౌండేషన్ ఛైర్మన్  కొవ్వలి యతిరాజ రామ్మోహన్ నాయుడు  దర్శించుకున్నారు. ఆదివారం జరిగిన ఈ కార్యక్రమంసందర్భంగా అమ్మవారికి ప్రత్యేక పూజలు, అర్చనలు నిర్వహించి తీర్థప్రసాదాలు స్వీకరించారు. జగన్మాత అనుగ్రహంతో నరసాపురం ప్రజలంతా సుఖసంతోషాలు, ఆయురారోగ్యాలతో వర్ధిల్లాలని ఈ సందర్భంగా ఆయన ఆకాంక్షించారు. అంతకుముందు ఆలయ ప్రాంగణానికి చేరుకున్న కొవ్వలి రామ్మోహన్ నాయుడు కి ఉత్సవ కమిటీ సభ్యులు, వేద పండితులు పూర్ణకుంభంతో స్వాగతం పలికి వేదాశీర్వచనాలు అందజేశారు. అనంతరం ఆయనను శాలువాతో ఘనంగా సత్కరించారు. ఈ కార్యక్రమంలో కొవ్వలి ఫాలోవర్స్, వార్డు నాయకులు, కమిటీ సభ్యులు  భక్తులు పాల్గొన్నారు.

 రిపోర్టర్ ఇజ్రాయిల్ నరసాపురం పశ్చిమగోదావరి జిల్లా