చేరుకులపాడు సర్పంచ్ అభ్యర్థిగా శకుంతలమ్మ నామినేషన్
వెల్దుర్తి, మేజర్ న్యూస్: గ్రామ పంచాయతీ ఎన్నికల నామినేషన్ల పర్వంలో భాగంగా వెల్దుర్తి మండల పరిధిలోని చేరుకులపాడు గ్రామ పంచాయతీ సర్పంచ్ అభ్యర్థిగా శకుంతలమ్మ నామినేషన్ దాఖలు చేశారు. ఈ సందర్భంగా ఆమె తన మద్దతుదారులు, గ్రామ పెద్దలతో కలిసి వెల్దుర్తి మండల పరిషత్ కార్యాలయానికి చేరుకుని ఎన్నికల రిటర్నింగ్ అధికారికి తన నామినేషన్ పత్రాలను అందజేశారు. అనంతరం శకుంతలమ్మ మాట్లాడుతూ.. గ్రామ ప్రజల ఆశీస్సులతో సర్పంచ్గా గెలిస్తే చేరుకులపాడు సమగ్రాభివృద్ధికి, మౌలిక వసతుల కల్పనకు కృషి చేస్తానని తెలిపారు. ఈ నామినేషన్ దాఖలు కార్యక్రమంలో మాజీ ఎంపీపీ డాక్టర్ వెంకట్రాం రెడ్డి, ముఖ్య నాయకులు ప్రదీప్ కుమార్ రెడ్డి, రామ్మోహన్ రెడ్డిలతో పాటు పలువురు గ్రామస్థులు, కార్యకర్తలు పెద్ద సంఖ్యలో పాల్గొని ఆమెకు మద్దతు తెలిపారు.