బీసీల రాజకీయ సాధికారతకు, సంక్షేమానికి కూటమి ప్రభుత్వం కట్టుబడి ఉంది

*నాడు జగన్  బీసీ రిజర్వేషన్లను 24 శాతానికి తగ్గించి బీసీలకు ద్రోహం చేశారు* 

*సుప్రీంకోర్టు తీర్పును గౌరవిస్తూనే స్థానిక ఎన్నికల్లో పార్టీ పరంగా బీసీలకు 34 శాతం రిజర్వేషన్లు* 

*మంత్రి డా. డోలా శ్రీ బాల వీరాంజనేయస్వామి* 

సూర్య ప్రతినిధి, ఒంగోలు : 

బీసీల రాజకీయ సాధికారతకు, సంక్షేమానికి కూటమి ప్రభుత్వం కట్టుబడి ఉందని మంత్రి డా.డోలా శ్రీ బాల వీరాంజనేయస్వామి అన్నారు. ఆదివారం ప్రకాశం జిల్లా సింగరాయకొండ మండల టీడీపీ కార్యాలయంలో బీసీ సోదరులతో నిర్వహించిన సమావేశంలో మంత్రి డా.డోలా శ్రీ బాల వీరాంజనేయస్వామి పాల్గొన్నారు. ఈ సందర్భంగా ఆయన మాట్లాడుతూ....బీసీలకు రాజ్యాధికారం.. కూటమి ప్రభుత్వ ధ్యేయమన్నారు. నాడు జగన్  బీసీ రిజర్వేషన్లను 34 నుంచి 24 శాతానికి తగ్గించి.. స్థానిక సంస్థల ఎన్నికల్లో 16,800 మందికి రాజకీయ పదవులు దూరం చేశారన్నారు. నేడు టీడీపీ బీసీలకు మళ్ళీ 34 శాతం రిజర్వేషన్ కల్పిస్తే జగన్ అండ్ కో కోర్టుల్లో కేసులు వేసి అడ్డుకున్నారన్నారు. బీసీలు రాజకీయంగా ఎదగకూడదనే గొడ్డలి పార్టీ కుట్రలు చేస్తోందని మండిపడ్డారు. గొడ్డలి పార్టీ 5 ఏళ్ల పాలనలో బీసీలను నిత్యం దాడులు, దౌర్జన్యాలకు తెగబడ్డారన్నారు. టీడీపీతోనే బడుగు, బలహీన వర్గాలకు రాజకీయ స్వాతంత్రం లభించిందన్నారు.  బీసీలకు 34 శాతం  రిజర్వేషన్‌పై టీడీపీ కట్టుబడి ఉందని సుప్రీంకోర్టు తీర్పును గౌరవిస్తూనే పార్టీ పరంగా బీసీలకు 34 శాతం రిజర్వేషన్లు ఇస్తామని తెలిపారు. పంచాయతీ వార్డుల్లో బీసీలకు 26.73 శాతం సీట్లు, సర్పంచ్‌లు 27.95%, MPPలు 24.6% సీట్లు, ZPTCలు 24.6%, ZP చైర్మన్లు 23.08% సీట్లు,  మున్సిపల్ చైర్మన్లు 33.02%, అర్బన్ వార్డుల్లో 32.78%, మేయర్లు బీసీలకు 35.29% సీట్లు ఇచ్చేందుకు తెలుగుదేశం సిద్ధంగా ఉందని మంత్రి డోలా శ్రీ బాల వీరాంజనేయస్వామి తెలిపారు.