బాలికకు అండగా.. బెంగళూరుకు లోకేష్

• మణిపాల్ ఆసుపత్రిలో వైద్యులతో చికిత్సపై చర్చ
• కుటుంబ సభ్యులను పరామర్శించి ధైర్యం చెప్పనున్న మంత్రి

సూర్య స్టేట్ బ్యూరో, అమరావతి  : 

 రాప్తాడులో ఉన్మాది దాడిలో తీవ్రంగా గాయపడిన బాలికకు మెరుగైన వైద్యం అందించేందుకు విద్య, ఐటీ శాఖల మంత్రి నారా లోకేష్ ప్రత్యేక దృష్టి సారించారు. బాలిక ప్రస్తుతం బెంగళూరులోని మణిపాల్ ఆసుపత్రిలో చికిత్స పొందుతున్న నేపథ్యంలో ఆమె ఆరోగ్య పరిస్థితిని తెలుసుకునేందుకు మంత్రి లోకేష్ రేపు మధ్యాహ్నం బెంగళూరు వెళ్లనున్నారు. ఆసుపత్రిలో వైద్యులతో మాట్లాడి బాలికకు అందుతున్న చికిత్సపై వివరాలు తెలుసుకోనున్నారు. చిన్నారి త్వరగా కోలుకునేలా అత్యుత్తమ వైద్యం అందించాలని వైద్యులను కోరనున్నారు. అనంతరం బాలిక కుటుంబ సభ్యులను పరామర్శించి, వారికి ధైర్యం చెప్పనున్నారు.