బాడంగిలో 60 నామినేషన్లూ చెల్లుబాటు

బాడంగి, సూర్య : బాడంగి మండల ప్రజా పరిషత్‌ ప్రాదేశిక నియోజకవర్గాల (ఎంపీటీసీ) ఎన్నికలకు సంబంధించి నామినేషన్ల పరిశీలన ప్రక్రియ శనివారం ముగిసింది. మండలంలో మొత్తం 60 నామినేషన్లు దాఖలు కాగా, పరిశీలన అనంతరం అన్నీ చెల్లుబాటు అయినట్లు ఎన్నికల రిటర్నింగ్ అధికారి వెల్లడించారు. మండల ప్రజా పరిషత్‌ కార్యాలయంలో ఎన్నికల రిటర్నింగ్‌ అధికారి కే. మహారాజన్‌ ఆధ్వర్యంలో అధికారులు అభ్యర్థులు సమర్పించిన నామినేషన్‌ పత్రాలను నిబంధనల ప్రకారం క్షుణ్ణంగా పరిశీలించారు. ఈ ప్రక్రియలో ఎలాంటి నామినేషన్‌ తిరస్కరణకు గురికాకపోవడంతో మొత్తం 60 నామినేషన్లూ ఆమోదం పొందాయి. ఈ కార్యక్రమంలో సహాయ ఎన్నికల అధికారులైన తహసీల్దార్‌ కే. వరప్రసాద్‌, ఎంపీడీవో డి.వి. శ్రీలత, సిబ్బంది ప్రధాన ఉపాధ్యాయులు జి. జీవరత్నం తదితరులు పాల్గొన్నారు. 

ఎన్నికల షెడ్యూల్‌ ఇలా.. నామినేషన్ల ఉపసంహరణకు ఈ నెల 27వ తేదీ సాయంత్రం 5 గంటల వరకు గడువు ఉంది. నవంబరు 3న పోలింగ్‌ నిర్వహించనుండగా, నవంబరు 5న ఓట్ల లెక్కింపు చేపట్టి ఫలితాలను ప్రకటించనున్నారు.

రిపోర్టర్ : శ్రీనివాసరావు, బాడంగి, విజయనగరం జిల్లా.