అవయవదానానికి సమ్మతించిన టీడీపీ నేత మాధవరావు

జంగారెడ్డిగూడెం- సూర్య న్యూస్ మండల టీడీపీ అధ్యక్షుడు కుక్కల మాధవరావు సంపూర్ణ అవయవదానానికి సమ్మతి తెలిపారని కాపు సంక్షేమ సంఘం కె-9 అధ్యక్షుడు శీలం కృష్ణంరాజు తెలిపారు. ఆదివారం విజయవాడలోని మ్యాంగో హోటల్‌లో నిర్వహించిన అవయవదాన కార్యక్రమంలో మాధవరావు అంగీకార పత్రంపై సంతకం చేసినట్లు వెల్లడించారు.వేగవరం గ్రామానికి చెందిన మాధవరావు సేవాభావంతో తీసుకున్న ఈ నిర్ణయం అభినందనీయమని కృష్ణంరాజు పేర్కొన్నారు. అవయవదానం ద్వారా మరొకరికి ప్రాణదానం చేయవచ్చని, మాధవరావు నిర్ణయం మరికొందరికి స్ఫూర్తిగా నిలుస్తుందని అన్నారు. ఈ సందర్భంగా మాధవరావును కె-9 కమిటీ సభ్యులు అభినందించారు. ప్రజలు అవయవదానంపై అవగాహన పెంచుకుని ఈ మహత్తర సేవకు ముందుకు రావాలని కృష్ణంరాజు పిలుపునిచ్చారు.

 రిపోర్టర్ కెవి రమణ రావు జంగారెడ్డిగూడెం ఏలూరు జిల్లా,