అన్నవరప్పాడు శ్రీ వెంకటేశ్వరస్వామి ఆలయ పునర్నిర్మాణ పనులను పరిశీలించిన దేవాదాయ శాఖ కమిషనర్

పునర్నిర్మాణ పనుల పురోగతిపై అధికారులతో సమీక్ష

తూర్పుగోదావరి జిల్లా పెరవలి మేజర్ న్యూస్ :

తూర్పుగోదావరి జిల్లా పెరవలి మండలం అన్నవరప్పాడు గ్రామంలోని శ్రీ వెంకటేశ్వరస్వామి వారి ఆలయ పునర్నిర్మాణ పనులను రాష్ట్ర దేవాదాయ ధర్మాదాయ శాఖ కమిషనర్ కె. రామచంద్రమోహన్ అక్టోబర్ 10వ తేదీ శనివారం పరిశీలించారు.ఆలయ పునర్నిర్మాణంలో భాగంగా ప్రస్తుతం జరుగుతున్న పనులను ఆయన క్షేత్రస్థాయిలో పరిశీలించి, నిర్మాణ పనుల పురోగతిని సంబంధిత అధికారులను అడిగి తెలుసుకున్నారు.

ఈ సందర్భంగా ఆలయ పునర్నిర్మాణానికి సంబంధించిన వివిధ అంశాలపై ఇంజనీరింగ్, సాంకేతిక అధికారులతో చర్చించారు.కమిషనర్ వెంట రాజమహేంద్రవరం ప్రాంతీయ సంయుక్త కమిషనర్ వేండ్ర త్రినాథరావు, జిల్లా దేవాదాయ శాఖ అధికారి ఈ.వి. సుబ్బారావు, సాంకేతిక సలహాదారు ఎస్. సుబ్బారావు, పర్యవేక్షక ఇంజనీర్ తోట దుర్గేష్, ఉప కార్యనిర్వాహక ఇంజనీర్లు ఉదయ్ కుమార్, శ్రీనివాస్, ఉపస్థపతి సతీష్ తదితరులు ఉన్నారు.ఈ కార్యక్రమంలో దేవాదాయ శాఖ సిబ్బంది, ఆలయ ధర్మకర్తల మండలి సభ్యులు, గ్రామస్తులు పాల్గొన్నారు.