ఐదు పంచాయతీల్లో సర్పంచ్, వార్డు సభ్యుల నామినేషన్ల స్వీకరణ

కలిగిరి, మేజర్ న్యూస్ :   కలిగిరి మండలంలోని ఐదు గ్రామ పంచాయతీల్లో సర్పంచ్, వార్డు సభ్యుల స్థానాలకు నామినేషన్ల స్వీకరణ ప్రక్రియ ఆదివారం కొనసాగింది. సిద్దనకొండూరు, నాగసముద్రం, క్రాకుటూరు, ఎరుకలరెడ్డిపాలెం, పోలంపాడు పంచాయతీల పరిధిలో సర్పంచ్ అభ్యర్థుల నుంచి 6 నామినేషన్లు, వార్డు సభ్యుల స్థానాలకు సంబంధించి 12 నామినేషన్లు స్వీకరించినట్లు ఎంపీడీవో  కె. ప్రత్యూష తెలిపారు.నామినేషన్ల స్వీకరణ ప్రక్రియను ఎన్నికల నిబంధనలకు అనుగుణంగా నిర్వహిస్తున్నట్లు అధికారులు పేర్కొన్నారు. ఆయా పంచాయతీల్లో ఎన్నికల ప్రక్రియకు సంబంధించి అభ్యర్థులకు అవసరమైన సూచనలు అందిస్తున్నట్లు ఆమె తెలిపారు.