అద్దంకిలో తాగునీటి సరఫరా వేళల్లో మార్పులు.

అద్దంకి పురపాలక సంఘం పరిధిలో తాగునీటి సరఫరా వేళల్లో మార్పులు చేసినట్లు మున్సిపల్ కమిషనర్ రవీంద్ర వెల్లడించారు. మున్సిపల్ కార్యాలయం నుండి నీటి సరఫరా జరిగే ప్రాంతాలకు నేటి నుంచి కాలేజీ గ్రౌండ్ లో గల వాటర్ ట్యాంక్ నుండి మంచి నీటిని సరఫరా చేస్తున్నట్లు ఆయన వెల్లడించారు. ప్రజల సౌలభ్యం కోసం ఉదయం సాయంత్రం వేళల్లో ప్రాంతాలవారీగా నీటి సరఫరా జరుగుతుందన్నారు. ఉదయం 5 గంటల నుండి 6 గంటల వరకు గుంజి వారి పాలెం, గాంధీ బొమ్మ సెంటర్, మారం వారి వీధి, కొత్తపేట, అత్తులూరి వారి వీధి, మున్సిపల్ కార్యాలయం ప్రధాన రోడ్డు ప్రాంతాలకు నీటి సరఫరా జరుగుతుందన్నారు. అదేవిధంగా సాయంత్రం ఐదు గంటల నుండి 6 గంటల వరకు గీతా మందిరం రోడ్డు, రామా టాకీస్ బజార్, పోలీస్ స్టేషన్, బ్యాంక్ ఆఫ్ ఇండియా పక్క బజారు, పశు వైద్యశాల బజారు, సంజీవ నగర్ ప్రాంతాలలో నీటి సరఫరా జరుగుతుందన్నారు. నేటి సరఫరా లోని ఈ మార్పులను గమనించి తమ సిబ్బందికి ప్రజలందరూ సహకరించాలని ఆయన కోరారు.